दापोली–दाभोळ महामार्गावर आज, १० एप्रिल रोजी सकाळी सुमारे साडेदहा वाजण्याच्या सुमारास रिक्षा आणि छोट्या टेम्पो/चारचाकी वाहनामध्ये किरकोळ अपघात झाला. या अपघातात कोणतीही जीवितहानी झाली नसून रिक्षाचे किरकोळ नुकसान झाले आहे.
मिळालेल्या माहितीनुसार, रिक्षा दापोलीकडे येत असताना गुरांच्या सरकारी दवाखान्याजवळील महामार्गावर मागून येणाऱ्या चारचाकी वाहनाने रिक्षाला धडक दिली. धडक सौम्य असल्यामुळे मोठा अपघात टळला.
या अपघातात रिक्षाच्या मागील बाजूचे नुकसान झाले आहे. वाहनचालकांना कोणतीही दुखापत झाली नसल्याने मोठी अनर्थ टळल्याचे स्थानिकांनी सांगितले.
घटना घडल्यानंतर काही काळ त्या ठिकाणी वाहतुकीचा वेग मंदावला होता. मात्र, परिस्थिती लवकर नियंत्रणात आली. स्थानिकांनी वाहनचालकांना सावधगिरी बाळगण्याचे आवाहन केले आहे.
या मार्गावर वाहतुकीची वाढ आणि वेगावर नियंत्रण नसल्यामुळे अशा किरकोळ अपघातांच्या घटना अधूनमधून घडत असल्याचे नागरिकांनी नमूद केले आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
