गुहागर तालुक्यातील गिमवी परिसरात रानडुकराची शिकार केल्याप्रकरणी वनविभागाने मोठी कारवाई करत तिघा संशयितांना ताब्यात घेतले आहे. सोमवार, २३ मार्च रोजी झालेल्या या धडक कारवाईमुळे परिसरात एकच खळबळ उडाली आहे.
मिळालेल्या माहितीनुसार, गिमवी गावाच्या हद्दीत एक विना क्रमांकाचा ४०७ टेम्पो संशयास्पद अवस्थेत उभा असल्याची माहिती वनविभागाला मिळाली होती. त्यानुसार पथकाने घटनास्थळी धाव घेत वाहनाची तपासणी केली असता, टेम्पोच्या हौद्यात मोठ्या रानडुकराची शिकार करून ठार मारलेल्या अवस्थेत आढळून आली. याच वाहनातून शिकार करण्यासाठी वापरण्यात आलेली १२ बोअरची डबल बॅरल बंदूकही जप्त करण्यात आली.
या प्रकरणी प्रसाद सुभाष सोमण, रोशन रमेश मोरे आणि संदीप वसंत गावडे (सर्व रा. गिमवी, ता. गुहागर) या तिघांना वनविभागाने ताब्यात घेतले आहे.
संशयितांविरुद्ध वन्यजीव (संरक्षण) अधिनियम, १९७२ अंतर्गत विविध कलमान्वये गुन्हा दाखल करण्यात आला असून पुढील तपास सुरू आहे.
ही कारवाई रत्नागिरी (चिपळूण) विभागीय वन अधिकारी गिरिजा देसाई-पाटील आणि सहाय्यक वनसंरक्षक प्रियंका लगड यांच्या मार्गदर्शनाखाली पार पडली. चिपळूणचे वनपरिक्षेत्र अधिकारी सरवर खान, गुहागरचे वनपाल अमित निमकर यांच्यासह एस. एस. सावंत, सिद्धेश्वर गायकवाड, अरविंद मांडवकर, कुमार पवार, राहुल गुंठे आणि कृष्णा इरमले यांच्या पथकाने ही यशस्वी मोहीम राबवली.
वनविभागाच्या या कडक कारवाईमुळे अवैध शिकार करणाऱ्यांमध्ये भीतीचे वातावरण निर्माण झाले आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
