खेड मुंबई-गोवा महामार्गावर जगबुडी नदीजवळ एक भीषण अपघात टळल्याची धक्कादायक घटना आज 19 मार्च सकाळी घडली. भरधाव वेगात असलेल्या कारवरील चालकाचे अचानक नियंत्रण सुटल्याने गाडी थेट नदीकाठच्या कठड्यावर जाऊन अडकली. काही क्षण परिसरात भीतीचे वातावरण निर्माण झाले होते.
अपघाताची तीव्रता इतकी होती की, कारचा पुढील भाग मोठ्या प्रमाणात नुकसानग्रस्त झाला. मात्र सुदैवाने या अपघातात कोणतीही जीवितहानी झाली नाही, आणि चालक बचावला आहे.
घटना घडताच महामार्गावरील इतर वाहनचालक व प्रवाशांनी तत्काळ मदतीसाठी धाव घेतली. अपघात पाहण्यासाठी नागरिकांची मोठी गर्दी जमली होती, तर काही काळ वाहतूकही मंदावली होती.
प्रत्यक्षदर्शींच्या माहितीनुसार, कारचा वेग जास्त असल्याने चालकाचे नियंत्रण सुटले आणि गाडी थेट कठड्याकडे झेपावली. शेवटच्या क्षणी ब्रेक लावण्याचा प्रयत्न झाला, मात्र गाडी कठड्यावर जाऊन अडकली.
स्थानिकांच्या मते, कार जर पुढे गेली असती तर ती थेट १०० ते १५० फूट खोल जगबुडी नदीच्या पात्रात कोसळली असती, ज्यामुळे मोठी जीवितहानी होण्याची शक्यता होती. त्यामुळे हा अपघात टळल्याने मोठी दुर्घटना टळल्याची भावना व्यक्त होत आहे.
घटनेची माहिती मिळताच खेड पोलिसांनी घटनास्थळी धाव घेत तपास सुरू केला आहे. या अपघातामुळे पुन्हा एकदा महामार्गावरील वेगमर्यादा आणि सुरक्षाव्यवस्थेबाबत प्रश्न उपस्थित झाले आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
