एका १७ वर्षीय तरुणीवर लैंगिक अत्याचार, विनयभंग आणि त्याचे व्हिडिओ बनवून बदनाम करण्याची धमकी दिल्याप्रकरणी नेर्ले येथील दोघे तर ताम्हाणे येथील एक, अशा तिघांवर वैभववाडी पोलिसांनी गुन्हा दाखल केला आहे. या तिघांना सोमवारी अटक केली.
हा प्रकार १ जुलै २०२५ ते १४ मार्च २०२६ या कालावधीत झाला आहे. अटक करण्यात आलेल्यांमध्ये मयुर सुर्वे, ओंकार पंढरी सुर्वे, (दोघेही रा. नेर्ले, ता. वैभववाडी), पंकज पवार (रा. ताम्हाणे -बौध्दवाडी, ता. राजापुर) अशी या संशयितांची नावे आहेत. जिल्ह्याबाहेरील अल्पवयीन तरुणीची तालुक्यातील नेर्ले येथील ओंकार सुर्वे या तरुणाशी ओळख झाली.
या ओळखीनंतर ती तरुणी ओंकार व मयुर या संशयितांसोबत दुचाकीवरून तालुक्यातील एका पर्यटनस्थळावर आली होती. पर्यटनस्थळी उशिर झाल्याने तिला घरी जाण्यासाठी वाहन उपलब्ध झाले नाही. त्यामुळे त्या दोघांनी तिला आपल्या नेर्ले येथील घरी नेले. तेथे एका संशयिताने सुरूवातीला तिच्यावर अतिप्रसंग करण्याचा प्रयत्न केला. परंतु तिने त्याला विरोध केला. त्यानतंर दुसऱ्या संशयिताने तिच्यावर लैंगिक अत्याचार केले. ते करताना त्याचे चित्रीकरण त्याने केले.
या चित्रीकरणाच्या आधारे तिघांपैकी एक जण त्या युवतीला बदनामी करण्याची धमकी देऊ लागला. तसेच ते चित्रिकरण व्हायरल करण्याची धमकी देत होता. चित्रीकरण केलेला व्हिडीओ १४ मार्चला संशयिताने त्या युवतीच्या मोबाईलवर पाठविला. त्यामुळे ती युवती भयभीत झाली. तिने सोमवारी तिच्या कार्यक्षेत्रातील पोलिस स्थानकात त्या तिघांविरोधात तक्रार दाखल केली. ही तक्रार अधिक तपासाकरीता वैभववाडी पोलिसांना प्राप्त झाली.
या गंभीर प्रकारामुळे पोलिसांनी जलदगतीने तपास सुरू केला. या गुन्ह्यातील तिन्ही संशयितांना पोलीस निरीक्षक मनोज सोनवलकर, हवालदार रणजीत सावंत, किरण मेथे यांनी अटक केली. या घटनेची माहिती मिळाल्यावर अति. पोलीस अधीक्षक नयोनी साटम, कणकवली विभागाचे पोलिस उपअधीक्षक घनश्याम आढाव वैभववाडीत दाखल झाले. त्यांनी घटनास्थळी भेट दिली. तसेच फॉरेन्सीक पथक नेर्ले येथे दाखल झाले. त्यांनीही घटनास्थळाची तपासणी केली. संशयितांना आज न्यायालयात हजर केले जाणार आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
