खेड तालुक्यातील कशेडी ओझरवाडी येथे भावाच्या लग्नासाठी आलेल्या एका विवाहितेचे तब्बल २ लाख ५८ हजार ७३६ रुपये किमतीचे सोन्याचे दागिने अज्ञात चोरट्याने लंपास केल्याची घटना घडली आहे.
या प्रकरणी खेड पोलीस ठाण्यात अज्ञात चोरट्याविरुद्ध गुन्हा दाखल करण्यात आला आहे. वैशाली विनायक सुर्वे (वय ५२, रा. घोणसेगाव–म्हसळा, सध्या रा. अंधेरी, मुंबई) यांनी याबाबत पोलीस ठाण्यात तक्रार नोंदवली आहे. तक्रारीनुसार, ३ ते ४ फेब्रुवारी दरम्यान कशेडी–ओझरवाडी येथील विजय नारायण दरेकर यांच्या घरी ही चोरीची घटना घडली. वैशाली सुर्वे या आपल्या भाऊ विजय दरेकर यांच्या घरी त्यांच्या लग्नासाठी मुक्कामी आल्या होत्या. याच काळात अज्ञात चोरट्याने त्यांच्या दागिन्यांवर डल्ला मारला.
चोरीस गेलेल्या दागिन्यांमध्ये १ लाख ७५ हजार २४२ रुपये किमतीचे सोन्याचे मंगळसूत्र, १८ हजार ४४६ रुपये किमतीचे ब्रेसलेट, ६५ हजार रुपये किमतीचा नेकलेस आदी दागिन्यांचा समावेश आहे. दागिने चोरीस गेल्याचे लक्षात येताच वैशाली सुर्वे यांनी तातडीने खेड पोलीस ठाण्यात धाव घेऊन रीतसर तक्रार दाखल केली.
या प्रकरणाचा पुढील तपास खेड पोलीस करीत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
