चिपळूण तालुक्यातील सावर्डे वहाळफाटा येथे चारचाकी गाडीसमोर दुचाकी आडवी लावून वाहनचालकास शिवीगाळ व मारहाण केल्याची घटना घडली. ही घटना २५ डिसेंबर रोजी रात्री सुमारे ९ वाजण्याच्या सुमारास तरंग बिअर शॉपीसमोर घडली.
या प्रकरणी दोन सख्ख्या भावांविरोधात सावर्डे पोलीस ठाण्यात गुन्हा दाखल करण्यात आला आहे.
याप्रकरणी विनायक अनंत कदम (वय ४४, रा. खांडोत्री देवूळवाडी, ता. चिपळूण) यांनी फिर्याद दिली आहे. जयेश जनार्दन भागडे (वय ३५) व किरण जनार्दन भागडे (वय ३०, दोघे रा. आबिटगाव दत्तवाडी, ता. चिपळूण) अशी आरोपींची नावे आहेत.
फिर्यादी कदम हे २५ डिसेंबर रोजी रात्री आपल्या वॅगनआर कारने मुंबई–गोवा महामार्गावरून खांडोत्री येथील घरी जात असताना सावर्डे वहाळफाटा येथे आले. त्यावेळी आरोपींनी चालत्या गाडीसमोर दुचाकी आडवी लावली. जयेश भागडे याने कदम यांना गाडीतून खाली उतरवून शिवीगाळ करण्यास सुरुवात केली.
दरम्यान, किरण भागडे याने कदम यांच्या मानेच्या डाव्या बाजूला जोरात हाताने फटका मारल्याने ते खाली पडले. त्यानंतर दोघांनी संगनमत करून कदम यांना मारहाण केली तसेच जिवे ठार मारण्याची धमकी दिल्याचे फिर्यादीत नमूद आहे.
या घटनेनंतर २६ डिसेंबर रोजी सावर्डे पोलीस ठाण्यात तक्रार दाखल करण्यात आली. त्यानुसार भारतीय न्यायसंहिता अधिनियम २०२३ अंतर्गत कलम १२६(२), ११५(२), ३५२, ३(५) तसेच मोटार वाहन कायद्याच्या कलम १८५ अन्वये गुन्हा दाखल करण्यात आला असून अधिक तपास सावर्डे पोलीस करीत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
