चिपळूण नगर परिषदेच्या आगामी निवडणुकीत वार्ड क्रमांक ८ मधून राष्ट्रवादी काँग्रेस पार्टी (अजित पवार गट) तर्फे उमेदवार म्हणून अर्ज दाखल करताना योगेश जगन्नाथ पवार यांनी जोरदार शक्ती प्रदर्शन केले. अर्ज दाखल करण्याच्या दिवशी त्यांनी मोठ्या प्रमाणात रॅली काढून भव्य पथसंचलन केले, ज्यामुळे नागरिकांमध्ये उत्साहाचे वातावरण पाहायला मिळाले. योगेश पवार हे चिपळूण शहर राष्ट्रवादी काँग्रेस युवकाध्यक्ष असून, गेल्या १५ ते २० वर्षांपासून त्यांनी विविध सामाजिक कार्यांमध्ये सक्रिय सहभाग घेतला आहे.
त्यांच्या समाजसेवेच्या कामामुळे वार्ड क्रमांक ८ मधील नागरिकांमध्ये त्यांच्याबद्दल उच्च श्रद्धा आणि विश्वास आहे. वार्डातील नागरिकांच्या वैयक्तिक समस्यांकडे ते नेहमीच स्वतःच्या समस्या समजून तत्परतेने मदत करतात. औषध खर्च, दवाखाना खर्च, सामाजिक मदत किंवा उत्सवांसाठी आवश्यक सहाय्य – या सर्व बाबतीत त्यांनी वार्डातील नागरिकांना पाठिंबा दिला आहे.
गणपती उत्सव, नवरात्रीसारख्या धार्मिक व सांस्कृतिक कार्यक्रमांमध्येही त्यांनी भरघोस मदत केली आहे, ज्यामुळे नागरिकांमध्ये त्यांचा आदर वाढला आहे. तरुणांमध्ये त्यांचा विशेष लोकप्रियता आहे आणि त्यांच्या बाजूने मोठी युवा फौज सक्रिय आहे. त्यांच्या कार्यशैलीमुळे मतदारांमध्ये उत्साह निर्माण झाला आहे,
ज्यामुळे वार्ड ८ मधील निवडणुकीत त्यांचा विजय निश्चित असल्याचे अंदाज वर्तवले जात आहेत. वार्डातील नागरिकांचे प्रश्न त्वरित सोडवण्याची क्षमता, सामाजिक बांधिलकी आणि सतत समाजसेवेत असलेला सहभाग हे योगेश पवार यांच्या मतदारांमध्ये लोकप्रियतेचे मुख्य कारण ठरत आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
