रत्नागिरी शहरातील मांडवी भुतेनाका येथे दुचाकीवरील तरुणावर कोयत्याने हल्ला करणाऱ्या संशयिताला न्यायालयाने पाच दिवसांची पोलीस कोठडी सुनावली आहे. अंकुश मांडवकर (रा. भुतेनाका, रत्नागिरी) असे संशयिताचे नाव असून, त्याला शहर पोलिसांनी अटक केली आहे.
ही घटना सोमवारी रात्री सुमारे साडेआठच्या सुमारास घडली. अंकुश हा कोयता घेऊन भुतेनाका परिसरात आला होता. यावेळी त्याने दुचाकीवरून जात असलेल्या अरमान इनामदार (वय 29, रा. मिरकरवाडा, रत्नागिरी) याच्यावर कोयत्याने हल्ला केला. या हल्ल्यात अरमान जखमी झाला.
या प्रकरणी शहर पोलिसांनी अंकुशविरुद्ध खून करण्याचा प्रयत्न या गुन्ह्याखाली गुन्हा दाखल केला असून, मंगळवारी त्याला न्यायालयात हजर करण्यात आले. न्यायालयाने त्याला 5 दिवसांची पोलीस कोठडी सुनावली.
अंकुशने हल्ला कोणत्या कारणाने केला, तसेच हल्ल्यासाठी वापरलेला कोयता त्याने कुठून आणला, याबाबतचा सखोल तपास सुरू असल्याचे पोलिसांनी सांगितले. पुढील तपास रत्नागिरी शहर पोलीस करत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
