६ ऑक्टोबरपासून बेपत्ता असलेला ३० वर्षीय ईश्वर रवींद्र सुर्वे यांचा मृतदेह शुक्रवारी सापुचेतळे ते खानवली रस्त्यावरील साई मंदिराच्या मागील वळणाजवळील चरीत आढळून आला. पोलिसांनी प्राथमिक तपासात मोटरसायकल अपघाताची शक्यता असल्याची नोंद केली आहे, तरी या घटनेवर अपघात की घातपात याची चर्चा सुरू आहे.
माहितीनुसार, वृशल रवींद्र सुर्वे (वय २७, खानवली इवलकरवाडी) यांनी लांजा पोलिसांना ही माहिती दिली होती. ईश्वर सुर्वे ६ ऑक्टोबरपासून घरात परतले नव्हते, आणि त्यांचा शोध नातेवाईक, गावकरी व मित्रमंडळी यांच्याद्वारे सुरु होता.
पोलिसांच्या माहितीनुसार, ईश्वर सुर्वे रात्री सुमारे ९.३० वाजल्याच्या सुमारास, आपल्या स्प्लेंडर मोटरसायकल (क्रमांक MH 08-N 1325) वर सापुचेतळे ते खानवली जाणाऱ्या रस्त्यावरून आपल्या घरी येत होते. साई मंदिराजवळील वळणावर मोटरसायकल अपघात झाला आणि ते रोडच्या बाहेर चरीत पडले, ज्यात त्यांना गंभीर दुखापत झाली होती. शोध मोहिमेदरम्यान शुक्रवारी त्यांचा मृतदेह चरीत आढळला.
दरम्यान, त्यांच्या मृत्यूबाबत अपघात की घातपात अशी चर्चा सुरू आहे. पोलिसांनी, भाऊ वृशल सुर्वे यांच्या दिलेल्या माहितीनुसार, अपघाती मृत्यूची नोंद केली आहे. या प्रकरणाचा अधिक तपास पोलीस निरीक्षक निळकंठ बगळे यांच्या मार्गदर्शनाखाली पोलीस हेड कॉन्स्टेबल नासिर नावळेकर करत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
