चिपळूण तालुक्यातील गांगराई येथे सायकल चालविताना उतारावर तोल जाऊन झालेल्या अपघातात मुंबईतील ५३ वर्षीय व्यक्तीचा मृत्यू झाला. या प्रकरणी चिपळूण पोलीस ठाण्यात बी.एन.एस.एस. कलम १९४ अन्वये आकस्मिक मृत्यूची नोंद करण्यात आली आहे.
पोलीस माहितीनुसार, अनिल ग्लेन डिसोजा (वय ५३, रा. भायखळा, मुंबई) हे २६ जून २०२६ रोजी सायंकाळी गांगराई (ता. चिपळूण) येथे फिरत असताना तेथील एका व्यक्तीची सायकल चालवत होते. उतारावरून जात असताना सायकलचा तोल जाऊन ते रस्त्यावर पडले आणि गंभीर जखमी झाले.
घटनेनंतर त्यांना तातडीने चिपळूण येथील लाईफ केअर हॉस्पिटलमध्ये उपचारासाठी दाखल करण्यात आले. मात्र, तपासणीअंती डॉक्टरांनी त्यांना मृत घोषित केले.
या घटनेची आकस्मिक मृत्यू क्रमांक ३८/२०२६ अशी नोंद चिपळूण पोलीस ठाण्यात करण्यात आली असून, अपघाताबाबत पुढील तपास पोलीस करीत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
