रत्नागिरी तालुक्यातील खेडशी येथील एकतानगर परिसरातून २० वर्षीय तरुण बेपत्ता झाल्याची घटना समोर आली आहे. साहिल संतोष गुरव असे या तरुणाचे नाव असून, या प्रकरणी त्याचे अपहरण झाल्याची तक्रार दाखल करण्यात आली आहे. त्यानुसार रत्नागिरी ग्रामीण पोलीस ठाण्यात अज्ञात व्यक्तीविरुद्ध भारतीय न्याय संहिता २०२३ च्या कलम १४०(३) अन्वये गुन्हा नोंदवण्यात आला आहे.
साहिल संतोष गुरव (वय २०, रा. एकतानगर, महालक्ष्मी मंदिराजवळ, खेडशी, मूळ रा. प्रभानवल्ली-गुरववाडी, ता. लांजा) हा २२ ऑक्टोबर २०२६ रोजी सकाळी साडेअकरा वाजण्याच्या सुमारास घरातून कोणालाही काही न सांगता निघून गेला. मात्र, बराच वेळ होऊनही तो घरी परतला नाही. त्यामुळे कुटुंबीयांनी त्याचा शोध घेण्यास सुरुवात केली. आजूबाजूचा परिसर, नातेवाईक आणि मित्रांकडे चौकशी करूनही त्याच्याबाबत कोणतीही माहिती मिळाली नाही.
अखेर साहिलच्या वडिलांनी, संतोष बाळकृष्ण गुरव (वय ४५, व्यवसायाने चालक) यांनी रत्नागिरी ग्रामीण पोलीस ठाण्यात तक्रार दाखल केली. अज्ञात व्यक्तीने साहिलचे अपहरण केल्याचा आरोप तक्रारीत करण्यात आला आहे. या तक्रारीच्या आधारे पोलिसांनी अज्ञात व्यक्तीविरुद्ध गुन्हा नोंदवून तपास सुरू केला आहे.
बेपत्ता तरुणाचा शोध घेण्यासाठी पोलीस विविध शक्यता तपासत आहेत. परिसरातील सीसीटीव्ही फुटेज आणि अन्य तांत्रिक माहितीच्या आधारे तपास सुरू असल्याचे समजते. साहिलचा अद्याप ठावठिकाणा लागला नसल्याने कुटुंबीयांची चिंता वाढली आहे.
या प्रकरणाचा पुढील तपास रत्नागिरी ग्रामीण पोलीस करत असून, साहिलचा शोध घेण्यासाठी पोलिसांकडून प्रयत्न सुरू आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
