चिपळूण शहरातील चिंचनाका-भोगाळे परिसरात सुरू असलेल्या अवैध मुंबई मटका जुगारावर स्थानिक गुन्हे अन्वेषण शाखेने (एलसीबी) धडक कारवाई करत एका व्यक्तीविरुद्ध गुन्हा दाखल केला आहे. या कारवाईत रोख रक्कम व जुगाराचे साहित्य जप्त करण्यात आले.
पोलिसांनी दिलेल्या माहितीनुसार, २६ जून २०२६ रोजी सायंकाळी ५.१५ वाजण्याच्या सुमारास भोगाळे येथील कलावती मंदिराकडे जाणाऱ्या रस्त्यावरील एका झाडाखाली आरोपी अवैधरित्या कोणताही परवाना नसताना मुंबई मटका जुगार चालवत असल्याची माहिती स्थानिक गुन्हे अन्वेषण शाखेला मिळाली होती. त्यानुसार छापा टाकण्यात आला.
या कारवाईत केशव धोंडू टेरवकर (वय ६५, रा. कंभारवाडी, चिपळूण) याला ताब्यात घेण्यात आले. या प्रकरणी स्थानिक गुन्हे अन्वेषण शाखेचे पोलीस हवालदार बाळ रमेश पालकर यांनी फिर्याद दिली आहे.
पोलिसांनी आरोपीकडून १ हजार ३२५ रुपये रोख रक्कम तसेच एक वापरलेले बॉलपेन असा एकूण १ हजार ३३० रुपयांचा मुद्देमाल जप्त केला आहे.
याप्रकरणी चिपळूण पोलीस ठाण्यात गुन्हा क्रमांक १९३/२०२६ अन्वये महाराष्ट्र जुगार प्रतिबंधक कायदा कलम १२(अ) अंतर्गत गुन्हा दाखल करण्यात आला असून, पुढील तपास पोलीस करत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
