खेड तालुक्यातील दस्तुरी-चिंचघर येथे पैशांच्या वादातून एका महिलेसह तिच्या पतीला मारहाण करून जीवे मारण्याची धमकी दिल्याप्रकरणी चार जणांविरोधात खेड पोलिस ठाण्यात गुन्हा दाखल करण्यात आला आहे.
याबाबत सौ. रश्मी विजय भोजानी (वय ३४) यांनी फिर्याद दिली आहे. त्या चिंचघर, दस्तुरी येथे भाड्याने राहत असून मूळच्या पन्हाळजे, सुतारवाडी (ता. दापोली) येथील आहेत.
पोलिसांनी दिलेल्या माहितीनुसार, दि. २२ जून २०२६ रोजी सायंकाळी सुमारे ४.४५ वाजण्याच्या सुमारास फिर्यादी व त्यांचे पती विजय भोजानी हे घरी असताना पैशांच्या वादावरून आरोपी कमल विकास पवार (५५), अर्जुन विकास पवार (२५), अक्षय विकास पवार (२४) आणि शुभम नलावडे (२४, पूर्ण नाव माहित नाही), सर्व रा. दस्तुरी-चिंचघर हे त्यांच्या घरी आले.
आरोपींनी घरात घुसून रश्मी भोजानी यांना हाताने थपडा मारल्या तसेच फावड्याच्या लाकडी दांडक्याने मानेवर व डाव्या कानाखाली मारहाण केली. तसेच त्यांच्या डोक्याच्या डाव्या बाजूस दगड फेकून दुखापत केल्याचा आरोप फिर्यादीने केला आहे. या झटापटीदरम्यान आरोपी कमल पवार हिने फिर्यादीच्या गळ्यातील मंगळसूत्र तोडून नुकसान केल्याचेही फिर्यादीत नमूद आहे.
दरम्यान, वाद सोडविण्यासाठी आलेले पती विजय अमृतलाल भोजानी यांनाही आरोपी अर्जुन व अक्षय पवार यांनी हाताने, लाकडी दांडक्याने तसेच दगडाने मारहाण करून दुखापत केल्याचा आरोप आहे.
यावेळी आरोपींनी रश्मी भोजानी व त्यांच्या पतीला शिवीगाळ करून जीवे ठार मारण्याची धमकी दिल्याचे फिर्यादीत म्हटले आहे.
या प्रकरणी खेड पोलिस ठाण्यात भारतीय न्याय संहिता २०२३ अंतर्गत विविध कलमान्वये गुन्हा दाखल करण्यात आला असून पुढील तपास पोलिस करत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
