मंडणगड तालुक्यातील मंडणगड बाजारपेठेत सार्वजनिक रस्त्यावर वाहतुकीस अडथळा निर्माण केल्याप्रकरणी एका वाहनचालकाविरोधात मंडणगड पोलीस ठाण्यात गुन्हा दाखल करण्यात आला आहे.
पोलीसांनी दिलेल्या माहितीनुसार, रविवारी (१४ जून २०२६) सायंकाळी सुमारे ६.२० वाजण्याच्या सुमारास मंडणगड बाजारपेठेतील स्वागत हॉटेलसमोरील मंडणगड-मुंबई मार्गावर आरोपी अली अहमद अब्दुल रहिमान लांबे (वय २२, रा. शिपोळे बंदर, ता. मंडणगड) याने त्याच्या ताब्यातील ईको गाडी (क्र. एमएच-०८ बीई-८०७७) सार्वजनिक रस्त्यावर धोकादायक स्थितीत उभी करून ठेवली होती.
या वाहनामुळे ये-जा करणाऱ्या वाहनांना तसेच पादचाऱ्यांना अडथळा निर्माण होत असल्याचे निदर्शनास आल्याने पोलिसांनी कारवाई केली. याप्रकरणी पोलीस कर्मचारी वैशाली प्रविण सुकाळे यांनी फिर्याद दिली आहे.
या प्रकरणी मंडणगड पोलीस ठाण्यात गुन्हा क्रमांक ६५/२०२६ नोंद करण्यात आला असून आरोपीविरोधात भारतीय न्याय संहिता (बीएनएस) २०२३ अंतर्गत कलम २८५ तसेच सार्वजनिक वाहतुकीस अडथळा निर्माण केल्याबाबत संबंधित कायदेशीर तरतुदींनुसार गुन्हा दाखल करण्यात आला आहे.
मंडणगड पोलीस पुढील तपास करीत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
