चिपळूण तालुक्यातील कुटरे खैरवाडी येथे म्हशींना एकमेकांपासून दूर ठेवण्याच्या कारणावरून झालेल्या वादातून एका ज्येष्ठ शेतकऱ्याला काठीने मारहाण करून दुखापत केल्याची घटना घडली आहे. याप्रकरणी सावर्डे पोलीस ठाण्यात गुन्हा दाखल करण्यात आला आहे.
पोलीसांकडून मिळालेल्या माहितीनुसार, ही घटना १६ जून २०२६ रोजी सकाळी सुमारे १० वाजण्याच्या सुमारास कुटरे खैरवाडी येथील कॅनॉलजवळ घडली. फिर्यादी एकनाथ आत्माराम जाधव (वय ६५, व्यवसाय शेती) हे आपली म्हैशी व इतर जनावरे चारण्यासाठी घेऊन गेले होते. जनावरे घेऊन घरी परतत असताना आरोपी श्रीकांत केशव खैर (वय ४०) हा देखील आपल्या म्हशींसह तेथे आला होता.
यावेळी म्हशी एकमेकांना मारतील, म्हणून आपल्या म्हशी मागे फिरवाव्यात असे फिर्यादींनी आरोपीला सांगितले. या कारणावरून आरोपी संतापला. त्याने हातातील काठीने फिर्यादींच्या दोन्ही मांडी, पोटऱ्या तसेच दोन्ही हातांवर मारहाण करून दुखापत केली. यानंतर शिवीगाळ करत जीवे मारण्याची धमकीही दिल्याचे फिर्यादीत नमूद करण्यात आले आहे.
या प्रकरणी सावर्डे पोलीस ठाण्यात गुन्हा क्रमांक ६९/२०२६ अन्वये भारतीय न्याय संहिता २०२३ च्या कलम ११८(१), ३५१(२) व ३५२ अंतर्गत गुन्हा दाखल करण्यात आला असून पुढील तपास पोलीस करत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
