मुंबई-गोवा राष्ट्रीय महामार्गावर संगमेश्वर जवळच्या ब्रिटिशकालीन सोनवी पुलावरून मोटार नदीत कोसळली. या अपघातात ५ जण जखमी झाले आहेत. ही घटना सोमवारी (ता. २५) सायंकाळी पावणेपाचच्या सुमारास घडली.
घटनास्थळावरून मिळालेल्या माहितीनुसार, राजेंद्र वासुदेव अपराज-नालासोपारा, महेश शांताराम अपराज, नंदकुमार शांताराम टेमुलकर- मालवण, दीपक विलास अपराज, सुहास एकनाथ अपराज हे या अपघातात जखमी झाले असून,
त्यांच्यावर संगमेश्वर येथील ग्रामीण रुग्णालयात उपचार सुरू आहेत. मुंबई – गोवा राष्ट्रीय महामार्गावर संगमेश्वरजवळ ब्रिटिशकालीन पूल आहे. सध्या ब्रिटिशकालीन पुलाच्या बाजूला नवीन पुलाचे काम सुरू आहे.
मुंबई-गोवा राष्ट्रीय महामार्गावर जाणाऱ्या गाड्यांसाठी सद्यःस्थितीमध्ये ब्रिटिशकालीन सोनवी पुलावरून जावे लागते. होळीसाठी मोठ्या प्रमाणात चाकरमानी गावाकडे आले आहेत.
गोव्याहून मुंबईच्या दिशेने जाणारी मोटार सोनवी पुलावरून कोसळली. २५ फूट दरीत गाडी कोसळल्यानंतर माभळे येथील ग्रामस्थांनी जखमींना वरती काढून रुग्णालयात हलविले.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
