पहाटे मारुती मंदिर येथील मंदिरात अज्ञात इसमाने चोरी करून मंदिरात असणारी दान पेटी फोडून पैसे चोरी केली.
गुन्हा दाखल झाल्यानंतर पोलिसांनी शहरातील सीसीटिव्ही फुटेज तपासत काही तासातच चोरट्याच्या मुसक्या आवळल्या.शहर पोलीस ठाण्याचे गुन्हे प्रकटीकरण पथकामार्फत मारुती मंदिरातील सी.सी.टी.व्ही फुटेज तसेच शहरातील अन्य परिसरांमधील सी.सी.टी.व्ही फुटेज यांची लागलीच पडताळणी करण्यात आली
तसेच गोपनीय माहितीच्या आधारे रत्नागिरी शहरामध्ये आरोपीचा शोध घेण्यात आला व आज विजय रमनेवल प्रजापती, वय 30 वर्षे, व्यवसाय मजुरी, सध्या राहणार कोकण नगर मूळ राहणार अलाहाबाद उत्तर प्रदेश याला ताब्यात घेण्यात आले आहे व मारुती मंदिरातील
दान पेटी मधून चोरलेली एकूण 84,588 रूपये रक्कम जप्त करण्यात आलेली आहे. पहाटे मारूतीमंदिर येथील मंदिरात चोरी झाल्याचे शहर पोलीस ठाण्याच्या गुड मॉर्निंग स्क्वॉड मधील पोहेकॉ. संतोष सावंत यांना निरीक्षणा दरम्याने निदर्शनास आल्याने तात्काळ पहाटे साडेपाच वाजता शहर पोलीस ठाण्याचे
गुन्हे प्रकटीकरण पथक घटनास्थळी दाखल झाले व पाहणी करून शहर पोलीस ठाणे येथे मंदिराच्या ट्रस्ट कडून खबर मिळाल्याने गुन्हा रजिस्टर नंबर 37/2024 भा.द.वि संहिता कलम 457, 380 अन्वये गुन्हा नोंद करण्यात आला. तसेच आरोपी विजय रमनेवल प्रजापती याने रत्नागिरी व अन्य ठिकाणी आणखी चोरी-घरफोडीचे गुन्हे केले आहेत का? याचा अधिक तपास या पथका मार्फत सुरू आहे.
ही कारवाई, गुन्हे प्रकटीकरण पथकाच्या पोलीस उपनिरीक्षक आकाश साळुंखे, सपोफौ दीपक साळवी, पोहेकॉ संतोष सावंत, पोहेकॉ अरुण चाळके, पोहेकॉ अमोल भोसले, पोहेकॉ राहुल जाधव, पोनि मयेकर व पोशि अमित पालवे यांनी केली. पोलीस अधीक्षक धनंजय कुलकर्णी यांनी या पथकास दहा हजार रूपयांचे बक्षीस जाहीर केले आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
