चिपळूण तालुक्यातील टेरव देवस्थान परिसराचे शासनाच्या प्रादेशिक पर्यटन विकास योजनेतून सुशोभीकरण केले जाणार आहे.
🔴 तुम्हाला कोकणातल्या बातम्या
पाहायच्या असतील तर कोकण कट्टा Live च्या whatsapp ग्रुपमध्ये सहभागी व्हा
https://chat.whatsapp.com/DVfvKdr19CxKSPzdD9Ltsy
त्यासाठी राज्य सरकारने ७८ लाख १२ हजार रुपये निधी मंजूर केला आहे. आमदार शेखर निकम यांनी टेरव देवस्थान येथील विकास कामांसाठी निधी मंजूर करुन घेतला आहे.
यासाठी ग्रामपंचायत टेरव यांचे सर्वतोपरी सहकार्य लाभले आहे. चिपळूणपासून ८ किमी अंतरावर निसर्गरम्य परिसरात टेरव येथे भवानी वाघजाई मातेचे मंदिर आहे.
मंदिरात उत्तम शिल्पकलाकृती पाहता येते. मंदिरात कुलदैवत भवानीमाता आणि ग्रामदैवत वाघजाई मातेसह नवदुर्गेच्या आकर्षक मूर्ती आहेत. शासनाच्या ‘क’ वर्ग पर्यटन व ‘ब’ वर्ग तीर्थक्षेत्रात या मंदिराचा समावेश आहे.
नवसाला पावणारे देवस्थान अशी या देवस्थानची ख्याती आहे. महाराष्ट्रातूनच नव्हे तर देशातून अनेक भक्त मंदिरात दर्शन घेण्यासाठी येत असतात. भवानी वाघजाई देवीचा नवरात्र उत्सव येथे मोठ्या थाटात साजरा केला जातो.
शासनाच्या प्रादेशिक पर्यटन विकास योजना सन २०२२-२३ अंतर्गत श्री भवानी वाघजाई मंदिर टेरव येथील पर्यटन विषयक कामांसाठी ७८ लाख १२ हजार इतक्या रकमेला पर्यटन विभागाकडून प्रशासकीय मान्यता देण्यात आली होती.
शासन निर्णयान्वये १५ लाख ६२ हजार इतका निधी वितरित करण्यात आला आहे. उपमुख्यमंत्री अजित पवार यांनी काही दिवसांपूर्वी प्रादेशिक पर्यटन योजनेला गती देण्यासाठी मंत्रालयात बैठक घेतली आणि काही कामांना मंजुरी दिली.
त्या कामांचे प्रस्ताव तातडीने पाठवण्याची सूचना जिल्हाधिकारी यांना केली आहे. त्यामुळे टेरव येथील देवस्थान परिसराचे सुशोभिकरण करण्यासाठी उर्वरित निधीसह मंजूर झालेला निधी प्राप्त होणार आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta Live, Media Network
Rg.No.MH-28-0047569
Ratnagiri, Dapoli
Editor – Tejas Borghare
*वेगवान बातमी, अचूक आणि थेट भूमिका !*
