गुहागर तालुक्यातील गोणवली-कळेवाडी येथे एका ६७ वर्षीय वृद्धाने राहत्या घरी गळफास घेऊन आत्महत्या केल्याची घटना शनिवारी (दि. ७ नोव्हेंबर) उघडकीस आली. यशवंत महादेव कळे (वय ६७, रा. गोणवली-कळेवाडी, ता. गुहागर, जि. रत्नागिरी) असे मृत वृद्धाचे नाव आहे. या घटनेमुळे परिसरात हळहळ व्यक्त होत आहे.
पोलिसांकडून मिळालेल्या माहितीनुसार, शनिवारी सकाळी ९.५० वाजण्याच्या सुमारास किंवा त्यापूर्वी यशवंत कळे यांनी आपल्या राहत्या घरातील हॉलमध्ये लोखंडी अँगलला नायलॉनच्या दोरीच्या साहाय्याने गळफास घेतला.
दरम्यान, शेजारी राहणारे समीर सुरेश कामेरकर यांच्या निदर्शनास हा प्रकार आला. त्यांनी यशवंत कळे हे मृतावस्थेत असल्याचे पाहिल्यानंतर तातडीने या घटनेची माहिती पोलिसांना दिली.
घटनेची माहिती मिळताच गुहागर पोलिसांनी घटनास्थळी धाव घेतली. आवश्यक पंचनामा करून मृतदेह शवविच्छेदनासाठी पाठवण्यात आला. याप्रकरणी गुहागर पोलीस ठाण्यात भारतीय नागरिक सुरक्षा संहिता कलम १९४ अन्वये आकस्मिक मृत्यूची नोंद करण्यात आली आहे.
यशवंत कळे यांनी आत्महत्या करण्यामागील नेमके कारण अद्याप स्पष्ट झालेले नाही. या घटनेचा पुढील तपास गुहागर पोलीस करीत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
