खेड तालुक्यातील कळंबणी बसस्थानकाजवळ एका २८ वर्षीय तरुणाचा मृत्यू झाल्याची घटना रविवार, १ नोव्हेंबर २०२६ रोजी पहाटे उघडकीस आली. किशोर रमेश कुराडे (वय २८, रा. कळंबणी, हंबीरवाडी, ता. खेड, जि. रत्नागिरी) असे मृत तरुणाचे नाव आहे. ट्रकच्या क्लिनर बाजूला तो गळफास घेतलेल्या अवस्थेत आढळून आला. या घटनेमुळे कळंबणी परिसरात हळहळ व्यक्त होत आहे.
मिळालेल्या माहितीनुसार, १ नोव्हेंबर रोजी पहाटे ५.१९ वाजण्याच्या सुमारास किशोर याच्या नात्यातील एका लहान भावाने त्याच्या वडिलांना फोन करून ट्रकजवळ किशोर गळफास घेतलेल्या अवस्थेत असल्याची माहिती दिली.
ही माहिती मिळताच कुटुंबीयांनी घटनास्थळी धाव घेतली. कळंबणी बसस्थानकाजवळील ट्रकच्या क्लिनर बाजूला किशोर नायलॉन पट्ट्याच्या साहाय्याने गळफास घेतलेल्या अवस्थेत आढळून आला.
या घटनेची माहिती मिळाल्यानंतर संबंधित यंत्रणेकडून पुढील कार्यवाही करण्यात आली. तरुणाच्या मृत्यूमुळे कुटुंबीयांवर दुःखाचा डोंगर कोसळला असून, परिसरात हळहळ व्यक्त केली जात आहे.
किशोर कुराडे याच्या मृत्यूमागील नेमके कारण अद्याप स्पष्ट झालेले नाही. या घटनेची पुढील कायदेशीर कार्यवाही आणि तपास सुरू आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
