ग्रामीण भागातील विद्यार्थ्यांना आधुनिक तंत्रज्ञानाच्या माध्यमातून शिक्षणाच्या अधिक चांगल्या संधी उपलब्ध व्हाव्यात, या उद्देशाने सह्याद्रि शिक्षण संस्थेच्या गोविंदराव निकम माध्यमिक व उच्च माध्यमिक विद्यालय, सावर्डे येथे आधुनिक संगणक कक्ष उभारण्यात आला आहे. Deepak Novochem Technologies Ltd. यांच्या सहकार्याने उभारण्यात आलेल्या या संगणक कक्षाचे उद्घाटन संस्थेचे अध्यक्ष तथा आमदार शेखर निकम यांच्या उपस्थितीत श्रीमती बर्नाली सेनगुप्ता यांच्या हस्ते करण्यात आले. कंपनीच्या वतीने विद्यालयाला २० संगणक भेट देण्यात आले.
डिजिटल युगात संगणक शिक्षणाला विशेष महत्त्व प्राप्त झाले आहे. विद्यार्थ्यांना शालेय स्तरापासूनच संगणकाचे व्यावहारिक ज्ञान मिळावे, तंत्रज्ञानाचा प्रभावी वापर करता यावा आणि भविष्यातील शैक्षणिक व व्यावसायिक संधींसाठी त्यांची तयारी व्हावी, या दृष्टीने हा संगणक कक्ष महत्त्वपूर्ण ठरणार आहे. या सुविधेमुळे विद्यार्थ्यांना प्रत्यक्ष संगणक हाताळण्याचा अनुभव मिळून त्यांच्या डिजिटल कौशल्यांचा विकास होण्यास मदत होणार आहे.
Deepak Novochem Technologies Ltd. यांनी सामाजिक बांधिलकी जपत विद्यालयाला दिलेल्या या योगदानामुळे विद्यार्थ्यांसाठी आधुनिक शिक्षणाचे नवे दालन खुले झाले आहे. ग्रामीण भागातील विद्यार्थ्यांना तंत्रज्ञानाधारित शिक्षणाच्या प्रवाहात आणण्यासाठी अशा उपक्रमांची महत्त्वपूर्ण भूमिका असल्याचे यानिमित्ताने अधोरेखित झाले.
या कार्यक्रमाला Deepak Novochem Technologies Ltd. च्या एचआर विभागातील बर्नाली सेनगुप्ता, मॅनेजर अमोल अकुलकर, सह्याद्रि शिक्षण संस्थेचे संचालक खानविलकर, राज पिलके, कौशल्य भट्टाचार्य, स्वप्निल परब, विद्यालयाचे मुख्याध्यापक राजेंद्र वारे, उपमुख्याध्यापक विजय चव्हाण, शिक्षक व शिक्षकेतर कर्मचारी, विद्यार्थी, संस्थेचे पदाधिकारी आणि ग्रामस्थ उपस्थित होते.
विद्यालयाला मिळालेल्या या संगणक सुविधेमुळे विद्यार्थ्यांना डिजिटल शिक्षणाची अधिक चांगली संधी उपलब्ध होणार असून, त्यांच्या शैक्षणिक प्रगतीला चालना मिळण्याची अपेक्षा व्यक्त केली जात आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
