खेड शहरातील महाडनाका परिसरातून ४७ वर्षीय व्यक्ती बेपत्ता झाल्याची घटना समोर आली आहे. महेश सोनु आग्रे असे या व्यक्तीचे नाव असून, त्यांच्या मुलाने दिलेल्या तक्रारीवरून खेड पोलिसांनी अज्ञात व्यक्तीविरुद्ध अपहरणाचा गुन्हा दाखल केला आहे.
पोलिसांनी दिलेल्या माहितीनुसार, महेश आग्रे हे महाडनाका येथील सरिता अपार्टमेंटमध्ये कुटुंबासह राहतात. २६ ऑक्टोबर २०२६ रोजी दुपारी चारच्या सुमारास ते पत्नीला बाहेर जाऊन लगेच परत येतो, असे सांगून घराबाहेर पडले. मात्र, बराच वेळ उलटूनही ते घरी परतले नाहीत.
कुटुंबीयांनी नातेवाईकांसह परिसरात त्यांचा शोध घेतला; मात्र त्यांचा ठावठिकाणा लागला नाही. त्यानंतर त्यांचा मुलगा वेदांत महेश आग्रे (वय २०) याने २७ ऑक्टोबर रोजी खेड पोलीस ठाण्यात तक्रार दाखल केली.
या तक्रारीच्या आधारे पोलिसांनी अज्ञात व्यक्तीविरुद्ध भारतीय न्यायसंहिता २०२३ च्या कलम १४०(३) अन्वये अपहरणाचा गुन्हा नोंदवला आहे. महेश आग्रे यांचा शोध सुरू असून, या प्रकरणाचा पुढील तपास खेड पोलीस करत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
