दापोली तालुक्यातील करजगाव-तामसतीर्थ येथील नदीकिनारी ६२ वर्षीय व्यक्ती मृतावस्थेत आढळून आल्याची घटना २४ ऑक्टोबर रोजी सायंकाळी उघडकीस आली. गजानन सहदेव सर्वे (वय ६२, रा. लाडघर, चंडीकावाडी, ता. दापोली, जि. रत्नागिरी) असे मृत व्यक्तीचे नाव आहे.
मिळालेल्या माहितीनुसार, गजानन सर्वे यांना दारूचे व्यसन होते. ते २३ ऑक्टोबर २०२६ रोजी सकाळी ८.३० वाजण्याच्या सुमारास घराच्या मजुरीच्या कामासाठी बाहेर पडले होते. मात्र, ते घरी परतले नव्हते.
दरम्यान, २४ ऑक्टोबर रोजी सायंकाळी ६.२० वाजण्यापूर्वीच्या सुमारास ते करजगाव-तामसतीर्थ येथील नदीकिनारी मृतावस्थेत आढळून आले. या घटनेची माहिती मिळाल्यानंतर दापोली पोलीस ठाण्यात आकस्मिक मृत्यू क्रमांक ८१/२०२६ अन्वये भारतीय नागरिक सुरक्षा संहिता (बीएनएसएस) कलम १९४ प्रमाणे नोंद करण्यात आली आहे.
गजानन सर्वे यांचा मृत्यू नेमका कोणत्या कारणामुळे झाला, हे अद्याप स्पष्ट झालेले नाही. या घटनेची पुढील कार्यवाही पोलीस करत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
