मंडणगड : साईराज सावंत यांची राष्ट्रवादी युवक काँग्रेसच्या मंडणगड तालुकाध्यक्षपदी नियुक्ती, खासदार सुनील तटकरे यांच्या हस्ते नियुक्ती पत्र

राष्ट्रवादी काँग्रेस पार्टीच्या युवक संघटनेत मंडणगड तालुक्यातील साईराज विद्याधर सावंत यांची मंडणगड तालुका युवक अध्यक्षपदी नियुक्ती करण्यात आली आहे. पक्षाच्या वरिष्ठ नेत्यांच्या मान्यतेने ही नियुक्ती करण्यात आली असून, नियुक्तीपत्राद्वारे साईराज सावंत यांच्यावर युवक संघटनेची महत्त्वाची जबाबदारी सोपविण्यात आली आहे.

राष्ट्रवादी काँग्रेस पार्टीच्या राष्ट्रीय अध्यक्षा सुनेत्रा अजितदादा पवार, प्रदेशाध्यक्ष सुनील तटकरे, जिल्हाध्यक्ष बाबाजीराव जाधव, आमदार शेखर निकम तसेच युवक प्रदेशाध्यक्ष निखिल ठाकरे यांच्या मान्यतेने साईराज सावंत यांची निवड करण्यात आल्याचे नियुक्तीपत्रात नमूद करण्यात आले आहे.

पक्षाचे काम निष्ठेने आणि प्रामाणिकपणे करत असल्याची दखल घेत त्यांच्यावर ही जबाबदारी सोपविण्यात आल्याचे नियुक्तीपत्रात म्हटले आहे. राष्ट्रवादी युवक काँग्रेसच्या माध्यमातून तालुक्यातील युवकांच्या समस्या जाणून घेऊन त्या सोडविण्यासाठी प्रयत्न करावेत तसेच पक्षाचे संघटन अधिक मजबूत करण्यासाठी सक्रियपणे काम करावे, अशी अपेक्षा पक्षाकडून व्यक्त करण्यात आली आहे.

मंडणगड तालुक्यात युवकांची मोठी संख्या असून शिक्षण, रोजगार, कौशल्यविकास, क्रीडा, व्यवसाय आणि विविध सामाजिक प्रश्नांशी संबंधित अनेक विषय युवकांसमोर आहेत. या पार्श्वभूमीवर युवक संघटनेची जबाबदारी साईराज सावंत यांच्यावर सोपविण्यात आल्याने आगामी काळात ते युवकांच्या प्रश्नांना संघटनात्मक व्यासपीठावरून कशा पद्धतीने मांडतात, याकडे लक्ष लागले आहे.

नियुक्तीनंतर साईराज सावंत यांच्यावर पक्षाच्या युवक संघटनेचा विस्तार, नवीन कार्यकर्त्यांना जोडणे तसेच तालुक्यातील युवकांमध्ये पक्षाचे संघटन मजबूत करण्याची जबाबदारी असणार आहे.

दरम्यान, नियुक्तीबद्दल साईराज सावंत यांचे पक्षातील पदाधिकारी, कार्यकर्ते आणि समर्थकांकडून अभिनंदन करण्यात येत असून, त्यांच्या पुढील वाटचालीस शुभेच्छा देण्यात येत आहेत.

प्रतिनिधी

वेगवान बातमी, अचूक आणि थेट भूमिका !

कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म

©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*