रत्नागिरी जिल्ह्याच्या समुद्र आणि किनारी भागात नियमांचे उल्लंघन करून सुरू असलेल्या मासेमारीविरोधात मत्स्य विभागाने कारवाईचा बडगा उगारला आहे. नियमित गस्तीदरम्यान नियमांचे उल्लंघन करणाऱ्या तीन नौकांवर कारवाई करण्यात आली आहे. यामध्ये दोन स्क्विड जिगिंग नौका आणि एलईडी दिव्यांचा वापर करणाऱ्या एका नौकेचा समावेश आहे.
मत्स्य विभागाकडून रत्नागिरीच्या किनारपट्टीवर अवैध मासेमारीला आळा घालण्यासाठी नियमित गस्त आणि तपासणी मोहीम राबविण्यात येत आहे. या मोहिमेदरम्यान २२ सप्टेंबर २०२६ रोजी रात्रीच्या गस्तीमध्ये दोन स्क्विड जिगिंग नौका नियमांचे उल्लंघन करताना आढळून आल्या.
यामध्ये ‘सानिया हफ्सा’ (नोंदणी क्र. IND-MH-04-MM-3851) या नौकेचा समावेश असून, तिचे मालक सिकंदर जैनुद्दीन फणसोपकर आहेत. तसेच ‘एच. सिमाक’ (नोंदणी क्र. IND-MH-04-MM-601) या नौकेवरही कारवाई करण्यात आली. या नौकेच्या मालकाचे नाव सुलताना अख्तर होडेकर असे आहे.
करला जेट्टीवर एलईडी दिव्यांची नौका आढळली
दरम्यान, २३ सप्टेंबर २०२६ रोजी करला जेट्टी येथे तपासणी करण्यात आली. यावेळी ‘गुरुप्रसाद’ (नोंदणी क्र. IND-MH-04-MM-3766) ही नौका एलईडी दिव्यांनी सुसज्ज असल्याचे मत्स्य विभागाच्या निदर्शनास आले.
या नौकेच्या मालकाचे नाव सुगंधा सुरेश ताकले असून, नियमांचे उल्लंघन केल्याप्रकरणी संबंधित नौकेवर मत्स्य विभागाकडून नियमानुसार कायदेशीर कारवाई करण्यात आली आहे.
समुद्रासह जेट्टी परिसरात गस्त वाढणार
जिल्ह्यातील समुद्र आणि किनारी भागात नियमबाह्य पद्धतीने होणाऱ्या मासेमारीला आळा घालण्यासाठी मत्स्य विभागाकडून पुढील काळातही समुद्र, जेट्टी आणि बंदर परिसरात गस्त व तपासणी मोहीम अधिक तीव्र करण्यात येणार आहे.
मासेमारी व्यवसायातील नियमांचे उल्लंघन झाल्यास संबंधित नौका मालकांवर नियमानुसार कारवाई केली जाणार असल्याचे विभागाकडून स्पष्ट करण्यात आले आहे. त्यामुळे सर्व मच्छीमार आणि नौका मालकांनी लागू असलेल्या नियमांचे काटेकोर पालन करूनच मासेमारी करावी, असे आवाहन मत्स्य विभागाने केले आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
