खेड तालुक्यातील कळंबणी-थोरेवाडी येथे ७६ वर्षीय वृद्धाने आपल्या राहत्या घराच्या पडवीतील लोखंडी खांबाला दोरीच्या सहाय्याने गळफास घेऊन आत्महत्या केल्याची दुर्दैवी घटना २१ सप्टेंबर रोजी घडली.
पोलिसांनी दिलेल्या माहितीनुसार, भागोजी सखाराम घाणेकर (वय ७६, रा. कळंबणी, थोरेवाडी, ता. खेड) यांनी आपल्या राहत्या घराच्या पडवीत असलेल्या लोखंडी खांबाला दोरीच्या सहाय्याने गळफास घेतला.
ही घटना २१ सप्टेंबर २०२६ रोजी सकाळी १० वाजण्यापूर्वी घडल्याचे पोलिस नोंदीत नमूद करण्यात आले आहे. घटनेची माहिती मिळाल्यानंतर पोलिसांनी घटनास्थळी जाऊन आवश्यक कार्यवाही केली.
घाणेकर हे आजारपण तसेच आर्थिक परिस्थितीमुळे त्रस्त होते, अशी प्राथमिक माहिती पोलिस नोंदीत नमूद करण्यात आली आहे. याच कारणातून त्यांनी टोकाचे पाऊल उचलल्याचे सांगण्यात आले आहे.
या घटनेची नोंद खेड पोलीस ठाण्यात आकस्मिक मृत्यू क्रमांक ८१/२०२६, भारतीय नागरिक सुरक्षा संहिता (BNSS) कलम १९४ अन्वये करण्यात आली आहे. घटनेचा पुढील तपास खेड पोलीस करीत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
