रत्नागिरी शहरातील एका बंगल्याच्या टेरेसची साफसफाई करत असताना शेवाळ्यावरून पाय घसरून खाली पडल्याने ५८ वर्षीय कामगाराचा गंभीर दुखापतीमुळे मृत्यू झाल्याची दुर्दैवी घटना शनिवारी, १५ ऑगस्ट रोजी घडली. संतोष बाळकृष्ण देसाई (वय ५८, रा. ओरी, ता. जि. रत्नागिरी) असे मृत कामगाराचे नाव आहे.
मिळालेल्या माहितीनुसार, संतोष देसाई हे रत्नागिरी शहरातील एका बंगल्याच्या टेरेसची साफसफाई करत होते. साफसफाईचे काम सुरू असताना टेरेसवर असलेल्या शेवाळ्यावरून अचानक त्यांचा पाय घसरला. त्यामुळे त्यांचा तोल जाऊन ते टेरेसवरून खाली जमिनीवर कोसळले.
या दुर्घटनेत त्यांच्या डोक्याला गंभीर दुखापत झाली. घटनेनंतर त्यांना तातडीने उपचारासाठी सिव्हील हॉस्पिटल, रत्नागिरी येथे नेण्यात आले. मात्र, १५ ऑगस्ट रोजी दुपारी सुमारे १.४५ वाजता वैद्यकीय अधिकाऱ्यांनी तपासणी केली असता उपचार सुरू करण्यापूर्वीच त्यांना मृत घोषित केले.
या घटनेने परिसरात हळहळ व्यक्त होत आहे. याप्रकरणी रत्नागिरी शहर पोलिस ठाण्यात आकस्मिक मृत्यूची नोंद करण्यात आली असून पोलिसांकडून पुढील तपास सुरू आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
