रत्नागिरी तालुक्यातील करबुडे येथील ८ वर्षीय गुरुराज भाऊ मोहिते यांचा कोल्हापूर येथील सी.पी.आर. रुग्णालयात उपचारादरम्यान मृत्यू झाला. गुरुराज यांना पोटदुखीचा त्रास सुरू झाल्यानंतर रत्नागिरी आणि त्यानंतर कोल्हापूर येथे उपचारासाठी दाखल करण्यात आले होते. मात्र उपचार सुरू असताना त्यांची प्राणज्योत मालवली.
मिळालेल्या माहितीनुसार, गुरुराज भाऊ मोहिते, वय ८ वर्षे, रा. मु.पो. करबुडे, ता. जि. रत्नागिरी, यांना २९ जुलै २०२६ रोजी रात्री सुमारे ८ वाजण्याच्या सुमारास अचानक पोटात दुखू लागले. त्यानंतर कुटुंबीयांनी त्यांना उपचारासाठी रत्नागिरी येथील सिव्हिल हॉस्पिटलमध्ये दाखल केले.
सिव्हिल हॉस्पिटलमध्ये उपचार घेतल्यानंतर गुरुराज यांना पुढील आणि अधिक उपचारांची आवश्यकता असल्याने ३१ जुलै २०२६ रोजी कोल्हापूर येथील साई स्पर्श हॉस्पिटलमध्ये दाखल करण्यात आले. तेथे उपचार सुरू असतानाच त्यांना पुढील उपचारासाठी १ ऑगस्ट २०२६ रोजी सी.पी.आर. हॉस्पिटल, कोल्हापूर येथे हलविण्यात आले.
सी.पी.आर. हॉस्पिटलमध्ये गुरुराज यांच्यावर वैद्यकीय उपचार सुरू होते. मात्र उपचारादरम्यान ६ ऑगस्ट २०२६ रोजी मध्यरात्री १२.१० वाजता वैद्यकीय अधिकाऱ्यांनी त्यांची तपासणी केली. तपासणीनंतर डॉक्टरांनी गुरुराज मोहिते यांना मृत घोषित केले.
या घटनेची नोंद रत्नागिरी ग्रामीण पोलीस ठाण्यात करण्यात आली असून आकस्मिक मृत्यू क्रमांक ७५/२०२६ अशी नोंद आहे. बी.एन.एस.एस. कलम १९४ अन्वये पोलिसांकडून या प्रकरणाची नोंद करण्यात आली आहे.
दरम्यान, गुरुराज यांच्या मृत्यूमागील नेमके वैद्यकीय कारण काय होते, याबाबतचा तपशील वैद्यकीय अहवाल आणि पुढील चौकशीनंतर स्पष्ट होण्याची शक्यता आहे. ८ वर्षांच्या बालकाचा उपचारादरम्यान मृत्यू झाल्याने करबुडे परिसरात हळहळ व्यक्त होत आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
