दापोली : दापोली-मंडणगड मार्गावरील करजांणी येथे आज, रविवार(२८ जून) सायंकाळी साडेपाचच्या सुमारास सिलेंडरने भरलेल्या पिकअप वाहनाचा अपघात झाला. वाहनावरील चालकाचा ताबा सुटल्याने पिकअप अनियंत्रित होऊन रस्त्यावर पलटी झाला.
या अपघातात वाहनामध्ये भरलेले सर्व गॅस सिलेंडर रस्त्यावर विखुरले गेले. त्यामुळे काही काळ परिसरात भीतीचे वातावरण निर्माण झाले. सिलेंडर रस्त्यावर पडल्याने वाहतुकीलाही काही काळ अडथळा निर्माण झाला.
मात्र, सुदैवाने या अपघातात कोणतीही जीवितहानी झाली नाही. चालकासह अन्य कोणालाही दुखापत झाली नसल्याची माहिती मिळाली आहे.
अपघाताची माहिती मिळताच स्थानिक नागरिकांनी घटनास्थळी धाव घेत मदतकार्य केले. रस्त्यावर विखुरलेले सिलेंडर बाजूला करून वाहतूक सुरळीत करण्यासाठी त्यांनी सहकार्य केले. या अपघातात मोठी दुर्घटना टळल्याने नागरिकांनी सुटकेचा निश्वास सोडला.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
