खेड तालुक्यातील सात्विनगाव जोशीवाडी येथे घराच्या छतावरील कचरा साफ करत असताना पत्रा तुटून खाली पडल्याने एका ७६ वर्षीय वृद्धाचा दुर्दैवी मृत्यू झाल्याची घटना घडली आहे. बाळू धोंडू नवरत असे मृत व्यक्तीचे नाव आहे.
मिळालेल्या माहितीनुसार, बाळू नवरत हे १९ एप्रिल रोजी सकाळच्या सुमारास आपल्या घराच्या छतावर साचलेला कचरा साफ करण्यासाठी चढले होते. कचरा साफ करत असताना अचानक छताचा पत्रा तुटला आणि ते सुमारे सात फूट उंचीवरून थेट जमिनीवर कोसळले. या अपघातात त्यांच्या डोक्याला गंभीर दुखापत झाली असून कानातून रक्तस्राव सुरू झाला.
घटनेनंतर त्यांना तात्काळ बेशुद्धावस्थेत लोटे-लवेल येथील घरडा हॉस्पिटलमध्ये दाखल करण्यात आले. मात्र, प्रकृती अत्यंत गंभीर असल्याने प्राथमिक उपचारांनंतर त्यांना पुढील उपचारासाठी त्याच दिवशी दुपारी मुंबईतील के.ई.एम. रुग्णालयात हलवण्यात आले. तेथे अतिदक्षता विभागात उपचार सुरू असताना २० एप्रिल रोजी सकाळी ९ वाजता त्यांचा मृत्यू झाला.
या घटनेप्रकरणी मृताचे नातू सागर संजय नवरत यांनी दिलेल्या माहितीवरून खेड पोलीस ठाण्यात आकस्मिक मृत्यू (A.D.) क्र. ३०/२०२६ नोंदविण्यात आला असून बी.एन.एस.एस. कलम १९४ अन्वये पुढील कार्यवाही सुरू आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
