दापोली तालुक्यातील गिम्हवणे येथील गोसावीवाडी परिसरात वरातीतील वाद्याचा आवाज कमी करण्यास सांगितल्यावरून वाद होऊन मारहाणीची घटना घडली. या प्रकरणी दोन जणांविरुद्ध गुन्हा दाखल करण्यात आला आहे.
पोलिसांकडून मिळालेल्या माहितीनुसार, ही घटना मंगळवार दिनांक २९ एप्रिल २०२६ रोजी सकाळी सुमारे ९ वाजण्याच्या सुमारास भींजाळी, गोसावीवाडी, गिम्हवणे (ता. दापोली, जि. रत्नागिरी) येथे घडली. याबाबत प्रभाकर दत्त मंडपे (वय ५२, रा. भींजाळी, गोसावीवाडी) यांनी फिर्याद दिली आहे.
फिर्यादी यांच्या वाडीतून वरात जात असताना त्यांनी वाद्याचा आवाज कमी करण्यास सांगितले. त्यावरून आरोपी धिरण विकास मंडपे आणि भास्कर विष्णु मंडपे (दोघेही रा. गोसावीवाडी, ता. दापोली) यांनी फिर्यादींशी वाद घालत त्यांच्या छातीवर हाताने जोरदार मारहाण केली. या झटापटीत फिर्यादी बाजूला असलेल्या खड्ड्यात पडून जखमी झाले.
दरम्यान, वाद सोडवण्यासाठी गेलेल्या साक्षीदारांनाही आरोपींनी मारहाण केल्याचे फिर्यादीत नमूद आहे.
या प्रकरणी दापोली पोलिस ठाण्यात गु.र.नं. ७८/२०२६ अन्वये भारतीय न्यायसंहिता अधिनियम २०२३ च्या कलम १२५(अ) व ३(५) अंतर्गत गुन्हा दाखल करण्यात आला असून पुढील तपास सुरू आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
