राज्य शासनाच्या ई-गव्हर्नन्स सुधारणा कार्यक्रमांतर्गत रत्नागिरीचे पोलीस अधीक्षक नितीन बगाटे यांचा विशेष गौरव करण्यात आला. सुमारे दीडशे दिवस चाललेल्या या कार्यक्रमात उत्कृष्ट कामगिरी करणाऱ्या जिल्ह्यांचा आढावा घेण्यात आला होता.
या मूल्यमापन प्रक्रियेत रत्नागिरी पोलीस अधीक्षक कार्यालयाने २०० पैकी १४४.२५ गुण मिळवत राज्यात पाचवे स्थान मिळविले. या उल्लेखनीय यशाबद्दल मुख्यमंत्री देवेंद्र फडणवीस यांच्या हस्ते बगाटे यांना प्रशस्तीपत्र देऊन सन्मानित करण्यात आले.
ई-गव्हर्नन्सच्या माध्यमातून पोलीस प्रशासन अधिक कार्यक्षम, पारदर्शक आणि नागरिकाभिमुख करण्यासाठी बगाटे यांनी विविध नाविन्यपूर्ण उपक्रम राबवले. ‘मिशन जीवन’द्वारे जनजागृती व आपत्कालीन प्रतिसाद यंत्रणा बळकट करण्यात आली, तर ‘रेड्स ॲप’मुळे कारवाई प्रक्रियेत वेग आणि अचूकता आली. ‘मिशन गती’च्या माध्यमातून प्रलंबित कामांचा निपटारा जलद करण्यात आला, तसेच ‘रत्नसेतू चॅटबॉट’च्या साहाय्याने नागरिकांना ऑनलाइन सेवा व माहिती सहज उपलब्ध करून देण्यात आली.
या सर्व उपक्रमांमुळे पोलीस यंत्रणा अधिक तंत्रस्नेही बनली असून नागरिकांशी संवाद अधिक सुलभ झाला आहे. प्रशासनातील कार्यपद्धतीत पारदर्शकता वाढून सेवा वितरण अधिक प्रभावी झाले आहे.
राज्य शासनाने या उपक्रमांची दखल घेत बगाटे यांच्या कार्याचे कौतुक केले आहे. त्यांच्या नेतृत्वाखाली रत्नागिरी पोलीस दलाने ई-गव्हर्नन्स क्षेत्रात केलेली प्रगती ही इतर जिल्ह्यांसाठीही प्रेरणादायी ठरत आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
