चिपळूण नगर परिषदेच्या नवनिर्वाचित पदाधिकाऱ्यांची पहिलीच सर्वसाधारण सभा आज, बुधवारी सकाळी ११ वाजता येथील इंदिरा गांधी सांस्कृतिक केंद्रात आयोजित करण्यात आली आहे. या महत्त्वपूर्ण सभेत नगर परिषदेचा वार्षिक अर्थसंकल्प मांडला जाणार असल्याने संपूर्ण शहराचे लक्ष या सभेकडे लागून राहिले आहे.
या सभेमध्ये शहराच्या सर्वांगीण विकासाशी संबंधित विविध महत्त्वाचे विषय चर्चेसाठी येणार आहेत. विशेषतः कररचना, करांमध्ये दिल्या जाणाऱ्या सवलती, तसेच नागरिकांना पुरविण्यात येणाऱ्या सुविधांबाबतचे निर्णय या सभेत अपेक्षित आहेत. त्यामुळे घरपट्टी, पाणीपट्टी व इतर स्थानिक करांबाबत कोणते निर्णय घेतले जातात, याकडे नागरिक उत्सुकतेने पाहत आहेत.
नवनिर्वाचित पदाधिकाऱ्यांची ही पहिलीच सर्वसाधारण सभा असल्याने ती निर्णायक ठरण्याची शक्यता असून, सादर होणाऱ्या अर्थसंकल्पातून नगर परिषदेची पुढील वर्षातील विकासाची दिशा स्पष्ट होणार आहे. परिणामी, या सभेत होणाऱ्या निर्णयांकडे राजकीय व सामाजिक वर्तुळासह सर्वसामान्य नागरिकांचेही लक्ष केंद्रित झाले आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
