लग्नाची निघालेल्या वरातीमध्ये ११ जणांच्या समूहाने लाठी काठीने केलेल्या मारहाणीत एका महिलेसह ४ जण जखमी झाल्याची घटना तालुक्यातील कुरवळ जावळी आखाडेवाडी येथे मंगळवारी रात्री ९ वाजण्याच्या सुमारास घडली या प्रकरणी ११ जणांवर गुन्हा दाखल करण्यात आला आहे.
पोलिसांनी दिलेल्या माहितीनुसार वैभव काशिनाथ उतेकर, सुरज सुरेश उतेकर, अविनाश कृष्णा बामणे, सिद्धेश एकनाथ उतेकर, प्रथमेश प्रमोद उतेकर, प्रणय प्रमोद उतेकर, ओंकार संतोष उतेकर, प्रमोद तुकाराम उतेकर, निलेश देवजी उतेकर, अमोल दिलीप सावंत, अमित दिलीप सावंत, सर्व राहणार कुरवळ जावळी आखाडेवाडी अशी त्या गुन्हा दाखल झालेल्या ११ जणांची नावे आहेतगावातील दीपक उतेकर यांच्या लग्नाची वरात मंगळवारी निघाली होती. रात्री नऊ वाजण्याच्या सुमारास वरील संशयित हातात काठी घेऊन वरातीवर हल्ला केला.
यामध्ये शितल उतेकर या महिलेच्या कानातील कर्णपुरे जमिनीवर पडली. तसेच अंकुश मोरे यांच्या गाडीचे नुकसान केले या माराहणीमध्ये समीर चंद्रकांत उतेकर, शिवाजी चंद्रकांत उतेकर, शितल शिवाजी उतेकर, सुरेश गणपत उतेकर, बाबाजी शंकर उतेकर, (सर्व राहणार कोरबळ जावळी आखाडेवाडी) हे ५ जण जखमी झाले. याप्रकरणी ११ जणांवर भादविक १४३, १४७, १४९, ३२४, ३२३, ४२७, ५०४, ५०६ नुसार गुन्हा दाखल करण्यात आला आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
