दाभोळ : छातीत तीव्र वेदना जाणवू लागल्याने उपचारासाठी रुग्णालयात दाखल करण्यात आलेल्या ६२ वर्षीय व्यक्तीचा उपचारादरम्यान मृत्यू झाल्याची घटना समोर आली आहे. शेख अब्दुल रशीद शेख अमीर (वय ६२, मूळ रा. आलमगीर कॉलनी, बालेपीर रोड, बीड) असे मृत व्यक्तीचे नाव आहे.
मिळालेल्या माहितीनुसार, शेख अब्दुल रशीद यांना अचानक छातीत दुखू लागल्याने त्यांना प्रथम दाभोळ येथील डॉ. केतकर यांच्या खासगी रुग्णालयात उपचारासाठी दाखल करण्यात आले होते. प्रकृतीची गंभीरता लक्षात घेऊन त्यांना पुढील उपचारासाठी दापोली येथील उपजिल्हा रुग्णालयात हलविण्यात आले.
मात्र, उपजिल्हा रुग्णालयात दाखल केल्यानंतर वैद्यकीय अधिकाऱ्यांनी तपासणी केली असता त्यांचा मृत्यू झाल्याचे घोषित केले. या घटनेची नोंद भारतीय नागरिक सुरक्षा संहिता (बी.एन.एस.एस.) कलम १९४ अन्वये करण्यात आली आहे.
या प्रकरणी दि. २४ जून २०२६ रोजी सायंकाळी ७.३० वाजता नोंद करण्यात आली असून, मृत्यूचे नेमके कारण वैद्यकीय तपासणीनंतर स्पष्ट होणार आहे. घटनेची पुढील कार्यवाही संबंधित यंत्रणेकडून सुरू आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
