रत्नागिरी : दीर्घकाळापासून आजारी असलेल्या ३६ वर्षीय तरुणाचा रत्नागिरी जिल्हा शासकीय रुग्णालयात उपचार सुरू असताना मृत्यू झाल्याची घटना ८ सप्टेंबर रोजी रात्री घडली. या प्रकरणी रत्नागिरी ग्रामीण पोलिस ठाण्यात आकस्मिक मृत्यूची नोंद करण्यात आली आहे.
शरद शांताराम खापरे (वय ३६, रा. खेडशी डफळचोळ, खापरेवाडी, ता. जि. रत्नागिरी) असे मृत तरुणाचे नाव आहे.
पोलिसांनी दिलेल्या माहितीनुसार, शरद खापरे यांना लहानपणापासूनच फिट येण्याचा त्रास होता. त्यामुळे त्यांची प्रकृती वारंवार बिघडत होती. तसेच त्यांना दारूचे व्यसन असल्याची माहिती नातेवाइकांनी पोलिसांना दिली आहे. काही दिवसांपासून त्यांची प्रकृती खालावली होती.
१ सप्टेंबर रोजी प्रकृती ठीक नसल्याने शरद हे कारवांचीवाडी फाटा येथील डॉ. पानगले यांच्याकडे तपासणीसाठी गेले होते. तपासणीदरम्यान त्यांच्या छातीत पाणी झाल्याचे निदर्शनास आले होते. त्यानंतर त्यांच्यावर औषधोपचार सुरू होते.
दरम्यान, ८ सप्टेंबर रोजी सकाळी सुमारे १० वाजता शरद यांची प्रकृती अचानक अधिक खालावली. त्यांची पत्नी श्रावणी खापरे यांनी त्यांना वाडीतील रिक्षाने नाचणे रोड येथील डॉ. सांबरे यांच्या दवाखान्यात नेले. डॉक्टरांनी तपासणी केल्यानंतर पुढील उपचारांसाठी रत्नागिरी जिल्हा शासकीय रुग्णालयात दाखल करण्याचा सल्ला दिला.
त्यानुसार शरद यांना सकाळी सुमारे ११ वाजता सिव्हील हॉस्पिटलमध्ये दाखल करण्यात आले. त्यांच्यावर उपचार सुरू असतानाच रात्री ११.४६ वाजता डॉक्टरांनी तपासून त्यांना मृत घोषित केले.
या घटनेची माहिती मिळाल्यानंतर रत्नागिरी ग्रामीण पोलिसांनी आकस्मिक मृत्यू क्रमांक ८५/२०२६, भारतीय नागरिक सुरक्षा संहिता (BNSS) कलम १९४ अन्वये नोंद केली असून, पुढील कार्यवाही सुरू आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
