रत्नागिरीपंचायत समितीसाठी उद्याेगमंत्री तथा पालकमंत्री उदय सामंत यांनी शिंदेसेनेची दुसरी ११ जणांची यादी रविवारी जाहीर केली. निवडणुकीसाठी नव्या चेहऱ्यांना संधी देत एकूण १६ उमेदवार जाहीर केले आहेत. मंत्री उदय सामंत यांनी शनिवारी पंचायत समितीसाठी पाचजणांची नावे जाहीर केली हाेती.
यामध्ये विद्या विलास बोंबले (हातखंबा), नेहा प्रवीण गावणकर (देऊड), सुमेश सुरेश आंबेकर (केळ्ये), डॉ. पद्मजा संजय कांबळे (नाणीज), परेश रामकृष्ण सावंत (साखरतर) यांचा समावेश हाेता. त्यानंतर रविवारी अन्य ११ जणांचे नावे जाहीर करण्यात आली आहेत. शिंदेसेनेने पंचायत समितीच्या माजी सभापती अनुष्का अभय खेडेकर यांना वाटद गणातून उमेदवारी दिली आहे. मागील कालावधीत त्यांचे पती अभय खेडेकर हे पंचायत समिती सदस्य होते. अनुष्का खेडेकर यांना दुसऱ्यांदा संधी देण्यात आली आहे. तर अन्य १५ उमेदवार हे नव्याने निवडणुकीच्या रिंगणात उतरणार आहेत.
शिंदेसेनेचे दुसऱ्या यादीतील उमेदवार
वाटद : अनुष्का अभय खेडेकर, करबुडे : प्रवीण धोंडू पांचाळ, नेवरे : पूर्वा सचिन दुर्गवळी, कोतवडे : स्वप्नील सदानंद मयेकर, झाडगाव (म्युन्सिपल बाहेर) : साक्षी परेश कुमठेकर, खेडशी : वैभव विठोबा पाटील, नाचणे : सचिन सुधाकर सुपल, कर्ला : कांचन कृष्णकांत नागवेकर, गोळप : अर्चना तुषार साळवी, पावस नामदेव नारायण कोकरे, गावखडी : स्वाती संदेश शिंदे.
खेडशी पंचायत समिती गणातून वैभव पाटील यांना उमेदवारी देण्यात आली आहे. वैभव पाटील यांचे वडील विठोबा पाटील हे यापूर्वी पंचायत समिती सदस्य होते. त्यानंतर त्यांच्या मातोश्री वैभवी पाटील यांनी पंचायत समितीचे सभापतीपद भूषविले हाेते.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
