नवी मुंबईतील तळोजा फेज-2 परिसरात राहणारा 17 वर्षीय विद्यार्थी सैफ निसार शिरगावकर हा 20 जुलै रोजी रात्री सुमारे 8 वाजता राहत्या घरातून बाहेर पडला असून, त्यानंतर तो अद्याप घरी परतलेला नाही. घटनेनंतर कुटुंबीयांनी नातेवाईक, मित्रमंडळी व परिचितांकडे चौकशी करून त्याचा शोध घेतला; मात्र त्याचा अद्याप कोणताही ठावठिकाणा लागलेला नसल्याने कुटुंबीयांची चिंता वाढली आहे.
सैफ हा शिक्षणासाठी अरकान अॅव्हेन्यू, सेक्टर 24, तळोजा फेज-2, प्लॉट क्रमांक 12 येथे राहत होता. तो मूळचा इरफानी मोहल्ला, अडखळ, ता. दापोली येथील रहिवासी असून, उच्च शिक्षणासाठी सध्या तळोजा येथे वास्तव्यास आहे.
सैफ घरातून बाहेर पडल्यानंतर त्याचा मोबाईल बंद असल्याचे किंवा त्याच्याशी संपर्क होत नसल्याचे कुटुंबीयांनी सांगितले आहे. त्यामुळे त्यांनी त्याचा शोध घेण्यासाठी सर्वतोपरी प्रयत्न सुरू केले असून, नागरिकांनीही सहकार्य करावे, असे आवाहन केले आहे.
सैफ कुठेही दिसल्यास किंवा त्याच्याबाबत कोणतीही माहिती मिळाल्यास ती लपवून न ठेवता तात्काळ त्याच्या कुटुंबीयांना किंवा जवळच्या पोलीस ठाण्याला कळविण्याचे आवाहन करण्यात आले आहे. वेळेवर मिळालेली छोटीशी माहितीही त्याचा शोध घेण्यासाठी महत्त्वाची ठरू शकते, असे कुटुंबीयांनी नमूद केले आहे.
संपर्क क्रमांक :
📞 96230 90515
📞 74986 83781
📞 81042 19821
📞 72185 99943
नागरिकांनी ही माहिती अधिकाधिक लोकांपर्यंत पोहोचवून सैफचा शोध घेण्यास सहकार्य करावे, असे आवाहन कुटुंबीयांनी केले आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
