रत्नागिरीतील एका शाळेमध्ये शाळकरी विद्यार्थिनीचा विनयभंग करणाऱ्या शिक्षकाला पालकांनी चोप दिल्याची घटना आज सोमवारी दुपारी 12.30 वाजण्याच्या सुमारास घडली होती.
यानंतर संतप्त नागरिकांनी या शिक्षकाची वरात पोलीस ठाण्यात नेली. याप्रकरणी विद्यार्थी व त्यांच्या पालकांनी दिलेल्या तक्रारीनुसार शिक्षकाविरुद्ध विनयभंग व बालकांच्या लैंगिक अपराधांपासून संरक्षण कायदा (पॉक्सो) नुसार शहर पोलिसांत गुन्हा दाखल करण्यात आला.
संबंधित शिक्षक हा शाळेमध्ये कंत्राटी शिक्षक म्हणून कार्यरत होता. 9 जानेवारी रोजी शिक्षकाने शाळेमध्ये शिकणाऱ्या मुलीला मिठी मारल़ी तसेच तिच्याशी अश्लिल संभाषण केले. या प्रकाराने घाबरलेल्या पीडित मुलीने सर्व हकिगत पालकांना सांगितली.
या प्रकाराची शाळा प्रशासनाकडून दखल घेण्यात आली. शाळेत घडलेल्या प्रकाराबाबत शाळेचे संस्था चालक देखील घटनास्थळी दाखल झाले. शाळेत असा प्रकार यापूर्वी कधी घडला नव्हता. घडलेला प्रकार अतिशय निंदनीय असल्याचे सांगत त्या शिक्षकाचे तात्काळ निलंबन करण्यात येत असल्याचे संस्थेकडून सांगण्यात आले.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
