रत्नागिरी शहरातील चर्मालय येथील चाररस्ता परिसरात दुचाकीवरून जाणाऱ्या तरुणाला अडवून त्याच्या डोक्यात हातातील कड्याने मारहाण केल्याची घटना गुरुवारी (३ सप्टेंबर) सायंकाळी ६ वाजण्याच्या सुमारास घडली. या प्रकरणी रत्नागिरी शहर पोलिस ठाण्यात एका संशयिताविरोधात गुन्हा दाखल करण्यात आला आहे.
रोहन संजय धोत्रे (२३, रा. क्रांतीनगर, रत्नागिरी) असे गुन्हा दाखल करण्यात आलेल्या संशयिताचे नाव आहे. याबाबत आकाश चंद्रकांत खेत्री (२४, रा. क्रांतीनगर झोपडपट्टी, रत्नागिरी) यांनी शहर पोलिस ठाण्यात तक्रार दाखल केली.
पोलिसांनी दिलेल्या माहितीनुसार, गुरुवारी सायंकाळी आकाश खेत्री हे आपल्या दुचाकीवरून चर्मालय चाररस्ता परिसरातून जात होते. यावेळी संशयित रोहन धोत्रे याने त्यांची दुचाकी अडवली. त्यानंतर कोणतेही स्पष्ट कारण नसताना त्यांच्याशी वाद घालत हातातील कड्याने आकाश यांच्या डोक्यात मारहाण केली. या हल्ल्यात त्यांच्या डोक्याला दुखापत झाली.
मारहाणीनंतर संशयिताने आकाश यांना शिवीगाळ केल्याचेही तक्रारीत नमूद करण्यात आले आहे. या घटनेनंतर आकाश खेत्री यांनी रत्नागिरी शहर पोलिस ठाण्यात धाव घेत तक्रार दाखल केली.
या तक्रारीवरून पोलिसांनी रोहन धोत्रे याच्याविरोधात भारतीय न्याय संहिता (BNS) 2023 मधील कलम 118(1), 126(2) आणि 352 अन्वये गुन्हा दाखल केला आहे. पुढील तपास रत्नागिरी शहर पोलिस करत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
