गुहागर तालुक्यातील शृंगारतळी बाजारपेठ परिसरात 26 नोव्हेंबर सकाळी रोशन मोहल्ला येथे अचानक एक रानरेडा दिसून येताच परिसरात एकच खळबळ उडाली. सकाळी बाजारपेठेत भरणाऱ्या गर्दीदरम्यान रानरेड्याचे दर्शन झाल्याने स्थानिक नागरिक, व्यापारी आणि प्रवाशांमध्ये काही काळ भीतीचे वातावरण निर्माण झाले.
स्थानिकांच्या माहितीप्रमाणे, रानरेडा जवळील झाडीच्या भागातून रस्त्याकडे आला. काही क्षण तो रस्त्यावरच थांबला आणि नंतर पुन्हा बाजूच्या पडीक भागात निघून गेला. सुदैवाने या दरम्यान कुठलीही जीवितहानी किंवा नुकसान झाल्याची नोंद नाही.
नागरिकांनी रानरेड्याचे फोटो आणि व्हिडिओ सोशल मीडियावर शेअर केल्यामुळे घटना झपाट्याने पसरली.
वनविभागाने नागरिकांना आवाहन केले आहे की रानरेडा किंवा कोणतेही वन्यप्राणी दिसल्यास त्यांच्यापासून सुरक्षित अंतर ठेवावे, प्राण्याला चिडवू नये किंवा जवळ जाण्याचा प्रयत्न करू नये,तत्काळ वनविभागाला किंवा स्थानिक प्रशासनाला माहिती द्यावी.
या घटनेमुळे पुन्हा एकदा परिसरात वन्यप्राणी मानवी वस्तीत येण्याच्या वाढत्या घटनांचा प्रश्न ऐरणीवर आला आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
