गेल्या चार दिवसांपासून सुरू असलेल्या मुसळधार पावसामुळे मंडणगड तालुक्यात मोठ्या प्रमाणावर पडझड व आर्थिक नुकसान झाले आहे. अनेक ठिकाणी संरक्षक भिंती कोसळल्या, झाडे घरांवर पडली, शेती पाण्याखाली गेली असून वाहतूक व वीजपुरवठाही विस्कळीत झाला आहे.
टाकेडे येथे एका घराजवळील संरक्षक चिऱ्याची भिंत कोसळली. तसेच पिंपळोली येथील जिल्हा परिषद शाळेची संरक्षक भिंतही जमीनदोस्त झाली आहे. घराडी येथे दोन घरांवर झाडे कोसळल्याने सुमारे ₹1.20 लाखांचे नुकसान झाले आहे.
सततच्या पावसामुळे नदी-नाले तुडुंब भरून वाहत असून भातशेती मोठ्या प्रमाणावर पाण्याखाली गेली आहे. अनेक रस्त्यांवर माती व दगड आल्याने वाहतुकीला अडथळे निर्माण झाले आहेत. मंडणगड–भिंगळोली परिसरातील राष्ट्रीय महामार्गावर भराव वाहून गेल्याने वाहतुकीची गंभीर समस्या निर्माण झाली आहे.
याशिवाय, वारंवार वीजपुरवठा खंडित होत असल्याने नागरिकांना मोठ्या गैरसोयींचा सामना करावा लागत आहे.
महसूल विभागाच्या माहितीनुसार, २ जुलै रोजी १३१ मिमी पावसाची नोंद झाली असून, हंगामातील एकूण पाऊस ६९७ मिमी इतका झाला आहे. संबंधित विभागाकडून नुकसानग्रस्त भागांचे पंचनामे सुरू असून, नुकसानग्रस्तांना मदत देण्याची प्रक्रिया लवकरच सुरू होण्याची अपेक्षा आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
