मंडणगड तालुक्यातील बाणकोट सागरी पोलीस ठाण्याच्या हद्दीत वाल्मिकीनगर येथे दारूच्या नशेत सार्वजनिक ठिकाणी धिंगाणा घालत शांततेचा भंग करणाऱ्या व्यक्तीविरोधात पोलिसांनी कारवाई केली. याप्रकरणी महाराष्ट्र दारूबंदी कायद्यान्वये गुन्हा दाखल करण्यात आला आहे. केतन विलास सपकाळ (वय ४०, रा. सासवड, ता. पुरंदर, जि. पुणे) असे गुन्हा दाखल झालेल्या व्यक्तीचे नाव आहे.
पोलिसांनी दिलेल्या माहितीनुसार, २ सप्टेंबर २०२६ रोजी सायंकाळी सुमारे ८ वाजण्याच्या सुमारास बाणकोट सागरी पोलीस ठाण्याचे कर्मचारी परिसरात गस्त घालत होते. त्यावेळी वाल्मिकीनगर येथील भाटकर यांच्या मालकीच्या सरकारमान्य बिअरशॉपीबाहेर एक व्यक्ती संशयास्पद अवस्थेत हेलकावे खात असल्याचे पोलिसांच्या निदर्शनास आले.
पोलिसांनी त्याच्याजवळ जाऊन विचारपूस केली असता, त्याला व्यवस्थित उभे राहता येत नव्हते. तसेच त्याच्या तोंडातून दारूचा तीव्र वास येत असल्याचे पोलिसांच्या निदर्शनास आले. त्यामुळे संबंधित व्यक्तीने मद्यप्राशन केले असल्याचा संशय पोलिसांना आला.
याप्रकरणी पोलीस नाईक राहुल बसवराज माने यांनी बाणकोट सागरी पोलीस ठाण्यात फिर्याद दिली. पोलिसांनी संबंधित व्यक्तीला तातडीने मंडणगड ग्रामीण रुग्णालयात नेले. तेथे वैद्यकीय अधिकाऱ्यांनी त्याची तपासणी केली.
वैद्यकीय तपासणीदरम्यान संबंधित व्यक्तीने मद्यप्राशन केले असून तो दारूच्या अंमलाखाली असल्याचे अहवालातून स्पष्ट झाले. त्यानंतर पोलिसांनी पुढील कायदेशीर कारवाई करत बाणकोट सागरी पोलीस ठाण्यात गुन्हा रजिस्टर क्रमांक २९/२०२६ नुसार महाराष्ट्र दारूबंदी कायदा कलम ८४ अंतर्गत गुन्हा दाखल केला.
हा गुन्हा ३ सप्टेंबर २०२६ रोजी दुपारी २.१८ वाजता नोंदविण्यात आला. या प्रकरणात घटनास्थळावरून कोणताही मुद्देमाल जप्त करण्यात आलेला नाही.
सार्वजनिक ठिकाणी मद्यप्राशन करून शांततेचा भंग करणाऱ्यांविरोधात पोलिसांकडून कारवाई सुरू असल्याचे या घटनेतून स्पष्ट झाले आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
