लांजा तालुक्यातील आगवे जोशीवाडी येथील २५ वर्षीय तरुण २७ जुलैपासून बेपत्ता झाला असून, याप्रकरणी लांजा पोलीस ठाण्यात बेपत्ताची नोंद करण्यात आली आहे.
पंकज प्रकाश जोशी (वय २५, रा. आगवे जोशीवाडी) हा २७ जुलै रोजी सकाळी सुमारे ६ वाजता आई प्रियांका प्रकाश जोशी (वय ५२) यांना बाहेर जाऊन येतो, असे सांगून घरातून निघून गेला. मात्र, त्यानंतर तो घरी परतला नाही.
पंकज घरी न परतल्याने त्याची आई आणि नातेवाईकांनी आजूबाजूचा परिसर तसेच नातेवाईकांकडे त्याचा शोध घेतला. मात्र, सर्वत्र शोध घेऊनही त्याचा ठावठिकाणा लागला नाही. अखेर संजय विलास चव्हाण (रा. खालची कुंभारवाडी, लांजा) यांनी लांजा पोलीस ठाण्यात पंकज बेपत्ता झाल्याची फिर्याद दाखल केली.
या प्रकरणाचा पुढील तपास पोलीस निरीक्षक निळकंठ बगळे यांच्या मार्गदर्शनाखाली महिला पोलीस हेडकॉन्स्टेबल जान्हवी मांजरे करीत आहेत. पंकजबाबत कोणाला काही माहिती मिळाल्यास तात्काळ लांजा पोलीस ठाण्याशी संपर्क साधावा, असे आवाहन पोलिसांनी केले आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
