कुख्यात गँगस्टर दाऊद इब्राहिमच्या (Dawood Ibrahim) आईच्या नावे असलेल्या चार मालमत्तांचा शुक्रवारी (ता. ५) लिलाव होणार आहे.
रत्नागिरी जिल्ह्यातल्या खेड तालुक्यात मुंबके इथे या चार मालमत्ता आहेत. शेतजमिनीच्या रूपात असलेल्या चारही मालमत्ता दाऊदची आई अमिना बी यांच्या नावावर आहेत. गेल्या नऊ वर्षात दाऊद आणि त्याच्या नातेवाईकांच्या जवळपास ११ मालमत्तांचा लिलाव करण्यात आला.
तालुक्यातील मुंबके (Mumbake Village) येथील दाऊद इब्राहिम याच्या चार जागांचा लिलाव होणार आहे. जवळपास २० गुठ्यांहून अधिक जमिनीचा लिलाव करण्यात येणार आहे. चार जमिनींपैकी एका जमिनीची किंमत ९ लाख ४१ हजार २८० रुपये इतकी आहे. दुसऱ्या शेतजमिनीची अंदाजे किंमत ८ लाख ८ हजार ७७० रुपये इतकी आहे.
मुंबके येथील जमिनींच्या लिलावाबाबत २१ नोव्हेंबर २०२३ ला नोटीस काढण्यात आली होती. दाऊद इब्राहिम कास्करचे मूळ गाव हे खेड तालुक्यातील मुंबके हे आहे. या गावात त्याचा बंगला व आंब्याची बाग तर लोटे आणि खेड शहर अशा सहा ठिकाणी त्याच्या वेगवेगळ्या मालमत्ता होत्या.
तीन वर्षांपूर्वी देखील दाऊदच्या मालमत्तेचा लिलाव करण्यात आला होता. खेड तालुक्यातील लोटे येथील मालमत्तेचाही लिलाव करण्यात आला होता.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
