खेड तालुक्यात एका ११ वर्षीय अल्पवयीन युवकाशी अत्यंत असभ्य वर्तन केल्याप्रकरणी एका तरुणावर बुधवारी रात्री येथील पोलीस ठाण्यात गुन्हा दाखल करण्यात आला आहे. रवी नरसिंहनारायण सिंग (वय ३५, रा. बिहार) असे गुन्हा दाखल झालेल्या संशयिताचे नाव आहे.
पोलिसांकडून मिळालेल्या माहितीनुसार आणि पीडित युवकाच्या वडिलांनी दिलेल्या तक्रारीनुसार, ही संतापजनक घटना दिनांक २९ ऑक्टोबर रोजी दुपारच्या सुमारास तालुक्यातील एका गावात घडली. पीडित अल्पवयीन युवक घराबाहेर खेळत असताना संशयित रवी सिंग याने त्याला जवळ बोलावले आणि त्याच्याशी असभ्य वर्तन केले. हा प्रकार घडल्यानंतर पीडित युवकाने तातडीने ही बाब आपल्या वडिलांच्या कानावर घातली.
घटनेचे गांभीर्य लक्षात घेऊन वडिलांनी त्वरित खेड पोलीस ठाणे गाठले आणि संशयित रवी नरसिंहनारायण सिंग याच्या विरोधात रीतसर तक्रार नोंदवली. या तक्रारीच्या आधारावर पोलिसांनी बुधवारी रात्री उशिरा भादंविच्या संबंधित कलमांखाली गुन्हा दाखल केला आहे.
या घटनेचा अधिक तपास पोलीस निरीक्षक विवेक अहिरे यांच्या मार्गदर्शनाखाली सहाय्यक पोलीस निरीक्षक जयंत गायकवाड हे करत आहेत. या घटनेमुळे तालुक्यात खळबळ उडाली असून, पोलिसांकडून संशयिताला लवकरच अटक केली जाईल, अशी अपेक्षा व्यक्त होत आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
