सावर्डे श्रावण महिन्याच्या प्रारंभानिमित्त चिपळूण तालुक्यातील सावर्डे येथील ग्रामदैवत श्री देव केदारनाथ मंदिर परिसरात गोविंदराव निकम माध्यमिक व उच्च माध्यमिक विद्यालयाच्या विद्यार्थ्यांनी स्वच्छता अभियान राबविले. या उपक्रमातून विद्यार्थ्यांनी सामाजिक बांधिलकी आणि स्वच्छतेचा संदेश दिला.
या स्वच्छता अभियानात विद्यार्थ्यांनी मंदिर परिसरासह रस्ते आणि आजूबाजूच्या भागातील कचरा, वाढलेले गवत, सुकलेली पाने तसेच इतर टाकाऊ वस्तू गोळा करून परिसर स्वच्छ केला. श्रावण महिन्यात मंदिरात भाविकांची मोठ्या प्रमाणावर वर्दळ होत असल्याने परिसर स्वच्छ व सुंदर ठेवण्यासाठी विद्यार्थ्यांनी पुढाकार घेतला.
या उपक्रमाला विद्यालयाचे क्रीडा शिक्षक विशाल सुर्वे आणि अमृत कडगावे यांचे मार्गदर्शन लाभले. शिक्षकांच्या मार्गदर्शनाखाली विद्यार्थ्यांनी उत्स्फूर्तपणे स्वच्छता मोहिमेत सहभाग घेतला.
विद्यार्थ्यांनी राबविलेल्या या स्तुत्य उपक्रमाचे ग्रामस्थांनी कौतुक केले. स्वच्छतेसोबतच सामाजिक जाणीव आणि पर्यावरण संवर्धनाचा संदेश देणारा हा उपक्रम निश्चितच प्रेरणादायी असल्याची भावना ग्रामस्थांनी व्यक्त केली.
श्रावण महिन्यात मंदिर परिसरात येणाऱ्या भाविकांना स्वच्छ आणि सुंदर वातावरण मिळावे, तसेच सार्वजनिक ठिकाणांची स्वच्छता राखण्याबाबत जनजागृती व्हावी, हा या उपक्रमामागील उद्देश होता.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
