दापोली तालुक्यातील दाभोळ धक्का परिसरातील बसस्थानकाजवळ बंद पानटपरीच्या बाजूला बेकायदा मुंबई मटका जुगार खेळविताना एका व्यक्तीला दाभोळ सागरी पोलिसांनी पकडले. ही कारवाई २७ ऑगस्ट रोजी सायंकाळी करण्यात आली. याप्रकरणी संबंधित व्यक्तीविरोधात महाराष्ट्र जुगार अधिनियमांतर्गत गुन्हा दाखल करण्यात आला आहे.
पोलिसांनी दिलेल्या माहितीनुसार, २७ ऑगस्ट रोजी सायंकाळी सुमारे ५.१५ वाजण्याच्या सुमारास दाभोळ धक्का येथील बसस्थानक परिसरात एका बंद पानटपरीच्या बाजूला मुंबई मटका जुगार सुरू असल्याची माहिती पोलिसांना मिळाली. त्यानुसार पोलिसांनी तेथे कारवाई केली.
या कारवाईदरम्यान संजय राजाराम मोरे (वय ६०, रा. भिवबंदर, पो. वणौशी, ता. दापोली, जि. रत्नागिरी) हा कोणताही परवाना नसताना बेकायदा मुंबई मटका जुगार खेळविताना मिळून आल्याचे पोलिसांनी नमूद केले आहे.
पोलिसांनी त्याच्याकडून एकूण ६४५ रुपयांचा मुद्देमाल जप्त केला. यामध्ये ६४० रुपये रोख रक्कम, ५ रुपये किमतीचा बॉलपेन तसेच जुगाराचे इतर साहित्य यांचा समावेश आहे.
या प्रकरणी दाभोळ सागरी पोलिस ठाण्यात गुन्हा क्रमांक २४/२०२६ नुसार महाराष्ट्र जुगार अधिनियम कलम १२(अ) अंतर्गत गुन्हा दाखल करण्यात आला आहे. पोलिस कर्मचारी सागर बाळासो कांबळे यांनी याबाबत फिर्याद दिली. गुन्हा २७ ऑगस्ट रोजी सायंकाळी ६.५८ वाजता दाखल करण्यात आला असून, पुढील तपास दाभोळ सागरी पोलिस करीत आहेत.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
