दापोली तालुक्यातील हरवलेला १२ वर्षीय मुलगा अलोक मोरे सुखरूप सापडल्याने कुटुंबीयांनी सुटकेचा निश्वास सोडला आहे.
मिळालेल्या माहितीनुसार, जालगाव (ता. दापोली) येथील अलोक मोरे हा मुलगा १६ मे रोजी सकाळी घरातून बाहेर पडला होता. मात्र बराच वेळ उलटूनही तो घरी परतला नाही. त्यामुळे कुटुंबीयांनी चिंताग्रस्त होऊन दापोली पोलीस स्थानक येथे हरवल्याची तक्रार नोंदवली होती.
तक्रार दाखल झाल्यानंतर पोलिसांकडून मुलाचा शोध सुरू करण्यात आला होता. अखेर आज दापोली तालुक्यातील बुरोंडी परिसरात अलोक मोरे आढळून आला. त्यानंतर पोलिसांनी त्याला सुरक्षितपणे दापोली पोलीस स्थानकात आणल्याची माहिती सूत्रांकडून देण्यात आली.
दरम्यान, या मुलाला कोणत्याही व्यक्तीने फूस लावून नेलेले किंवा पळवून नेल्याचा प्रकार नसल्याचे प्राथमिक तपासात स्पष्ट झाले आहे. त्यामुळे पालकांनी घाबरून जाण्याचे कारण नसल्याचेही सांगण्यात आले आहे.
घरातील काही संभ्रम किंवा मानसिक तणावामुळे अलोक घरातून निघून गेला असावा, अशी प्राथमिक माहिती समोर येत आहे. पोलिसांकडून पुढील चौकशी सुरू असून मुलाची समुपदेशनाद्वारे विचारपूस केली जाणार असल्याचे समजते.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
