पालगड येथील पवारवाडी परिसरातील हार्डवेअर दुकान फोडून सुमारे ३२ हजार रुपयांचा मुद्देमाल चोरी करणाऱ्या आरोपीला पोलिसांनी अटक केली आहे. या प्रकरणी दापोली पोलीस ठाणे येथे गुन्हा दाखल करण्यात आला होता.
याबाबत अभिजित विठोबा कदम (वय ३४, रा. पालगड बेलवाडी, ता. दापोली) यांनी फिर्याद दिली होती. १२ मे २०२६ रोजी रात्री ते १३ मे रोजी सकाळी दरम्यान अज्ञात चोरट्याने हार्डवेअर दुकानाच्या पाठीमागील लोखंडी जाळी उचकटून दुकानात प्रवेश करत विविध साहित्य लंपास केले होते. चोरीस गेलेल्या साहित्यामध्ये वायर, पाईप, थिनर, रेड्युसर, होज निपल, सिलींग फॅन तसेच २४ हजार रुपये किंमतीची सर्व्हिस वायर आदी साहित्याचा समावेश होता.
या गुन्ह्याचा तपास करत असताना पोलिसांनी आरोपी आकाश सुनील पवार (वय २४, रा. वानोशी तर्फे नातू, ता. दापोली) याला ताब्यात घेतले. चौकशीत त्याने चोरीची कबुली दिल्याची माहिती पोलिसांकडून देण्यात आली.
या प्रकरणाचा पुढील तपास दापोली पोलीस ठाणे करीत आहे.
वेगवान बातमी, अचूक आणि थेट भूमिका !
कोकणातल्या बातम्या, विश्लेषण आणि महत्वाच्या गोष्टी… #कोकण आणि कोकणातील संस्कृती, सण, उत्सव, परंपरा, लोककला, खाद्यसंस्कृती आणि बरंच काही…
कोकणातील महत्वाच्या घडामोडी, रेल्वे, पर्यटन विषयक अपडेट्स तसेच इतरही अनेक ताज्या घडामोडींची वेगवान माहिती क्षणार्धात वाचकांपर्यत पोहचवीणारा डिजिटल प्लॅटफॉर्म
©️ 2024 Kokan Katta News, Media Network
Rg.No.MH-28-0047569
Ratnagiri, Dapoli
*वेगवान बातमी, अचूक आणि थेट भूमिका !*
